TUME HURU YA TAIFA YA UCHAGUZI YAMIMINIWA SIFA NA WAGOMBEA URAIS

Tume ya Huru ya Taifa ya Uchaguzi imemiminiwa sifa na wagombea waliofika Makao Makuu ya Tume hiyo yaliyopo eneo la Njedengwa jijini Dodoma kuchukua fomu za kuomba kuteuliwa kugombea urais wa Tanzania.

Utoaji fomu ulioanza 9 Agosti 2025 hadi 15 agost 2025 ikiwa vyama  18 vimechukuwa fomu za kuomba ridhaa hiyo, kuna vilivyofika katika ofisi hiyo kwa mbwembwe na vigoma lakini kuna vingine vilifika kimya kimya.

Chama kilichofunguwa pazia kilikuwa Chama Tawala Chama cha Mapinduzi kikiongozwa na mgombea wake Dkt. Samia Suluhu Hassan na Mgombea wake Mwenza Dkt. John Nchimbi.

Chama kilichofunga pazia ni Chama cha ACT Wazalendo, kikiongozwa na mgombea wake Luhanga Mpina na Mgombea mwenza wake Fatma Abdulhabib Ferej.

Tume hiyo ikiongozwa na Jaji wa  Mahakama ya Rufaa Jacobs Mwambegele imeweza kutoa fomu za uteuzi kwa wanachama 36 kwa vyama 18 vya siasa kugombea  nafasi

Wagombea hao kila walipokabidhi fomu na Mwenyekiti wa Tume hiyo na badae kuzungumza na wanahabari hawakusita kuipongeza tume hiyo kuanzia kwa maelezo ya Mwenyekiti wake na Mapokezi waliyopata kutoka kwa Mkurugenzi wa Uchaguzi wa Tume hiyo Kailima.

Ambaye hakutaka kuficha furaha yake ni Makamu Mwenyekiti wa Chama cha NCCR-Mageuzi, Joseph Selasini, baada ya mazungumzo na wanahabri hakusita kwenda kuteta kidogo na Mkurugenzi wa Uchauguzi wa Tume hiyo Ramadhani Kailima.

Selasini alisema amekuwa kwenye vyama hivi tangu  chaguzi za vyama vingi vianze 1995 hajawahi kuona nidhamu kwa wajumbe kama hii na mwenyekiti wao wamekuwa na nidhamu ya hali ya juu hakika wakiendelea hivi hata kwenye kutangaza matokeo itakuwa vyema sana  

Jaji Mwambegele kila alipokuwa akitoa fomu alikuwa akisema utoaji wa fomu hizo umezingatia masharti ya Ibara ya 39(1)(c) ya Katiba ya Jamhuri ya Muungano wa Tanzania ya Mwaka 1977, ikisomwa pamoja na kifungu cha 34(1) cha Sheria ya Uchaguzi wa Rais, Wabunge na Madiwani Na. 1 ya Mwaka 2024 na Kanuni ya 20(1) ya Kanuni za Uchaguzi wa Rais, Wabunge na Madiwani za Mwaka 2025.

aji Mwambegele amewakabidhi wanachama waliopendekezwa begi maalum lenye nakala 40 za Fomu za Uteuzi wa Wagombea wa Kiti cha Rais na Makamu wa Rais – Fomu Na. 8A, nakala nane (8) za Tamko la Mgombea Kuheshimu na Kutekeleza Kanuni za Maadili ya Uchaguzi za Mwaka 2025 - Fomu Na. 10.

 

Nyaraka nyingine alizowakabidhi Mwenyekiti huyo ni nakala mbili (2) za Katiba ya Jamhuri ya Muungano wa Tanzania ya Mwaka 1977, nakala mbili (2) za Sheria ya Uchaguzi wa Rais, Wabunge na Madiwani Na. 1 ya Mwaka 2024, Nakala mbili (2) za Sheria ya Tume Huru ya Taifa ya Uchaguzi Na. 2 ya Mwaka 2024 na nakala mbili (2) za Kanuni za Uchaguzi wa Rais, Wabunge na Madiwani za Mwaka 2025.

Nyingine ni nakala mbili (2) za Kanuni za Tume Huru ya Taifa ya Uchaguzi za Mwaka 2024, nakala mbili (2) za Kanuni za Maadili ya Uchaguzi wa Rais, Wabunge na Madiwani za Mwaka 2025 na nakala mbili (2) za Vitabu vya Maelekezo kwa Vyama vya Siasa na Wagombea na walipatiwa barua yenye kuonyesha namba ya akaunti kwa ajili ya malipo ya fedha za dhamana.

Jaji huyo alikuwa akiongea kwa uyenyekevu mkubwa "Waheshimiwa mliopendekezwa kugombea nafasi ya Kiti cha Rais na Makamu wa Rais, tunawasihi mkazisome nyaraka zote tunazowapatia leo, ili ziweze kuwasaidia katika ujazaji wa fomu za kuomba kuteuliwa kuwa wagombea wa Kiti cha Rais na Makamu wa Rais, kufanya kampeni na michakato yote ya uchaguzi.” alisema. Jaji Mwambegele.

Mbali na kuwasihi kusoma nyaraka hizo, Jaji Mwambegele amewatakia kila la kheri wanachama hao waliopendekezwa kugombea nafasi hizo katika kukamilisha kazi kubwa iliyo mbele yao.

Wanachama waliopatiwa fomu za uteuzi ni  Dkt. Samia Suluhu Hassan kugombea nafasi ya Kiti cha Rais na  Dkt. Emmanuel Nchimbi (Kiti cha Makamu wa Rais) kupitia Chama cha Mapinduzi (CCM), Hassan Kisabya Almas (Kiti cha Rais) na  Hamisi Ally Hassan (Kiti cha Makamu wa Rais) kupitia Chama cha National Reconstruction Alliance (NRA).

Wengine ni Kunje Ngombale Mwiru (Kiti cha Rais) na  Shum Juma Abdalla (Kiti cha Makamu wa Rais) kupitia Chama cha Alliance for African Farmers Party (AAFP), Doyo Hassan Doyo (Kiti cha Rais) na Chausiku Khatib Mohamed (Kiti cha Makamu wa Rais) wa Chama cha National League for Democracy (NLD) na Coster Jimmy Kibonde (Kiti cha Rais) na  Aziza Haji Suleiman (Kiti cha Makamu wa Rais) kupitia Chama cha Makini (MAKINI).

Wanachama wengine ni Twalib Ibrahim Kadege (Kiti cha Rais) na Abdalla Mohd Khamisi (Kiti cha Makamu wa Rais) kupitia Chama cha United People's Democratic Party (UPDP), Georges Gabriel Bussungu (Kiti cha Rais) na  Ali Makame Issa (Kiti cha Makamu wa Rais) kupitia Chama cha Tanzania Democratic Alliance (TADEA), na  Mwajuma Noty Mirambo (Kiti cha Rais) na  Mashavu Alawi Haji  (Kiti cha Makamu wa Rais) kupitia Chama cha Union for Multiparty Democracy (UMD),

 

 Yustas Mbatina Rwamugira (Kiti cha Rais) na  Amana Suleiman Mzee (Kiti cha Makamu wa Rais) kupitia Chama cha Tanzania Labour Party (TLP), David Daud Mwaijojele (Kiti cha Rais) na  Masoud Ali Abdala (Kiti cha Makamu wa Rais) wa Chama cha Kijamii (CCK), Salum Mwalimu (Kiti cha Rais), Devotha Mathew Minja (Kiti cha Makamu wa Rais) kupitia Chama cha Ukombozi wa Umma (Chaumma).

 

Wengine ni  Abdul Juma Mluya (Kiti cha Rais) na  Sadoun Abrahman Khatib (Kiti cha Makamu wa Rais) wa Chama cha Democratic Party (DP) na  Majalio Paul Kyara (Kiti cha Rais) na Satia Mussa Bebwa (Kiti cha Makamu wa Rais) kupitia Chama cha Sauti ya Umma (SAU). 

 

Aidha, wanachama wengine ni Gombo Samandito Gombo (Kiti cha Rais) na Husna Mohamed Abdalla (Kiti cha Makamu wa Rais) kupitia Chama cha Wananchi (CUF),  Wilson Elias Mulumbe (Kiti cha Rais) na  Shoka Khamis Juma wa Chama cha Alliance for Democratic Change (ADC).

 

Siku ya mwisho ya utoaji fomu za uteuzi ilikamilika kwa Mwenyekiti wa Tume Huru ya Taifa ya Uchaguzi  Jaji wa Mahakama ya Rufaa Jacobs Mwambegele kutoa fomu kwa  Saum Hussein Rashid (Kiti cha Rais) na  Juma Khamis Faki wa Chama cha United Democratic Party (UDP),  Haji Ambar Khamis (Kiti cha Rais) na  Dkt. Eveline Wilbard Munisi (Kiti cha Makamu wa Rais) wa Chama cha National Convention for Construction and Reform – Mageuzi (NCCR-MAGEUZI), aliyefunga pazia ni  Luhaga Joelson Mpina (Kiti cha Rais) na Fatma Abdulhabib Ferej (Kiti cha Makamu wa Rais) kupitia Chama cha Alliance for Change and Transparency (ACT – WAZALENDO).

Pongezi hizo hazikuishia kwa wahgombea hao hata nkwa wanahabri nao walisikika wakiipongeza Tume hiyo kupitia kwa Mkurugenzi wake Ramadhani Kailima, ambapo aliwaandalia hema kwa ajili ya kuandika Habari zao vyema 

Kama kusingekuwa na hema ingekuwa vigumu kwani kulikuwa na upepo na jua kali kipindi cha mchana na asubuhi ni baridi kali, kila siku walikuwa wagombea watatu wakichukua fomu kwa nyakati tofauti.

 

 






 

Comments

Post a Comment

Popular posts from this blog

KADA MGEJA AHUDHURIA MAZIKO YA MAMA MZAZI WA MWANDISHI MWANDAMIZI WA HABARI KAHAMA

Image
Mwenyekiti wa Taasisi ya Mzalendo Foundation na aliyewahi kuwa Mwenyekiti wa CCM Mkoa wa Shinyanga, Hamis Mgeja (mwenye kibaghalashia), ameungana na familia ya mwandishi mwandamizi wa habari, Mohab Dominick, katika maziko ya mama yake mzazi, Tekra Limi, aliyefariki dunia akiwa na umri wa miaka 91. Maziko hayo yalifanyika katika makaburi ya Kanisa Katoliki Mbulu, katika Manispaa ya Kahama, mkoani Shinyanga. Viongozi mbalimbali wa chama na serikali walihudhuria tukio hilo, wakitoa heshima zao za mwisho kwa marehemu na pole kwa familia iliyoachwa. Akizungumza katika maziko hayo, Mgeja alitoa neno la faraja kwa familia ya Mohab Dominick, akiwatia moyo kuwa Bwana ametoa na Bwana ametwaa, jina lake lihimidiwe.Alisema kuwa ingawa ni kipindi kigumu, wanapaswa kuwa na imani na kumshukuru Mungu kwa kila jambo. Mwenyekiti wa Taasisi ya Mzalendo Foundation na aliyewahi kuwa Mwenyekiti wa CCM Mkoa wa Shinyanga, Hamis Mgeja,  \ameungana na familia ya mwandishi mwandamizi wa habari, Mohab Dominic...
Read more

UNAMKUMBUKA AMINA CHIFUPA WA MPAKANJIAA.

Image
Leo ni Miaka Mitano ya Kumbukumbu ya Kifo cha Amina Chifupa Mpakanjia Ilikuwa June 26.2007 tulipompoteza Mh. Amina Chifupa Mpakanjia. Ikiwa pia ni siku ya upigaji vita matumizi ya madawa ya kulevya. Amina leo ametimiza Miaka Mitano sasa tangu alipotutoka na ataendelea kukumbukwa kwa ucheshi wake, mbwembwe zake katika utangazaji wake kupitia kipindi cha Chuchuchu, Kwa raha zetu, Bambataa na Leo tena katika Redio ya Clouds FM. Mpaka anakumbwa na mauti alikuwa Mbunge wa Viti Maalum kupitia Chama Cha Mapinduzi (CCM).Watanzania wataendelea kumuenzi na  atakumbukwa kwa vita yake dhidi ya wauzaji wa dawa ya kulevya. Wakati leo tukimkumbuka Bi. Amina Chifupa, serikali nayo inaadhimisha Siku ya Kupambana na Dawa za kulenya Nchini.                                          ...
Read more

Je, wajua kwamba Australia ni bara, nchi na kisiwa?

Image
 Kangaroo hupatikana Australia pekee  Miamba Bahari ya Australia ni mikubwa kuliko yote Duniani na kivutio kwa watalii  Ramani ya Australia Robo tatu ya Waustralia wanaishi katika majiji makubwa na maeneo ya pwani. Fukwe pia ni sehemu za utambulisho wa Australia SAYARI tuishimo yaani dunia ina mabara saba, ambayo tukianzia kwa mtiririko wa bara kubwa hadi dogo ni Asia, Afrika, Amerika Kaskazini, Amerika Kusini, Ulaya, Antarctica na Australia Mbali ya mabara hayo ambayo Antartica ni pekee lisilokaliwa na watu kutokana na kufunikwa na barafu kwa asilimia 89, dunia ina nchi huru kati ya 180 na 195 huku ikiwa na mamia kwa maelfu ya visiwa. Katika makundi hayo matatu, Australia ni pekee duniani iliyobeba sifa zote tatu yaani bara, nchi na kisiwa, kwani nyingi zimeishia kuwa na sifa moja au mbili yaani nchi na au kisiwa. Australia ni bara dogo kuliko yote duniani, lakini pia kisiwa kikubwa kuliko vyote katika sayari hii. Mbali ya sifa hiz...
Read more