MALEZI YA WATOTO NCHINI NI YETU SOTE --PJT-MMMAM

Baadhi ya wazazi na walezi walioshiriki kwenye mafunzo ya malezi ya watoto kuanzia unri sifuri Hadi miaka minane Katika manispaa ya Temeke
@@@@@@@@@@@@@@@@@@@@@@@@@@@@@@@@@@@@@@@@@@@@

Na PATRICIA KIMELEMETA

HALMASHAURI ya Manispaa ya Temeke wameendesha mafunzo ya malezi ya watoto kwa wananchi wa Manispaa hiyo ili kupunguza vitendo vya ukatili vinavyoweza kujitokeza Katika jamii. 

Hatua hiyo imekuja wakati Serikali inatekeleza mradi wa Programu Jumuishi ya Malezi, Makuzi na Maendeleo ya Awali ya Mtoto (PJT-MMMAM) kuanzia umri sifuri hadi miaka minane.

Mradi huo ambao ulizinduliwa mwishoni mwa Mwaka Jana, ambao umelenga kundi la watoto wadogo ambalo linahitaji kuangalia Kwa ukaribu na kufanyiwa uwekezaji Ili waweze kukua Katika hali ya utimilifu.

Ofisa Ustawi wa Jamii Mfawidhi wa Manispaa hiyo, Dorice Tefurukwa alisema kuwa, mafunzo hayo yameshirikisha wazazi na walezi ambao wanaishi na watoto wadogo ili waweze kubadilisha mawazo na kupeana mbinu mbalimbali za malezi ambazo wanamini zitasaidia kupunguza vitendo vya ukatili.

Alisema kuwa, watoto wenye umri sifuri hadi miaka minane ni kundi muhimu katika jamii ambalo linahitaji kuangalia kwa umakini, kuanzia umri wa miaka minane ambao anatakiwa kuanza elimu ya awali ambapo atakuwa anakutana na jamii tofauti pindi anapoenda shule, hivyo basi jamii inapaswa kumlinda ili asiweze kufanyiwa vitendo vyovyote ambavyo vinaweza kuathiri ukuaji wake.

" Tumeshirikisha wazazi na walezi lengo likiwa ni kubadilishana mawazo ya namna ambavyo watoto wanaweza kulelewa katika hali ya utimilifu kwa mzazi kushirikiana na jamii husika, jambo ambalo tunaamini tunaweza kupunguza vitendo vya ukatili.

"Mtoto anapofikisha miaka minne anatakiwa kwenda shule ya awali na anapofikisha umri wa miaka sita au Saba anatakiwa kuanza darasa la kwanza, hawezi kujitetea mwenyewe, anategemea jamii iweze kumlinda na kumsaidia kwa sababu anakutana na watu tofauti wema na wabaya, ikiwa jamii itaelimisha wataweza kutekeleza malezi jumuishi na kuwalinda watoto," alisema.

Mkurugenzi wa Mtandao wa Malezi, Makuzi na Maendeleo ya Awali ya Mtoto (Tecden) Mwajuma Rwebangira alisema kuwa, malezi ya mtoto yanahitaji ushirikiano wa jamii husika, wazazi, walimu na walezi.

Alisema kuwa, katika kipindi hiki ambacho kumejitokeza matukio mbalimbali ya unyanyasaji wa watoto, wanapaswa kutoa elimu ya malezi ya mtoto kwa jamii ili waweze kuishi katika mazingira salama.

"Wanaotekeleza vitendo vya unyanyasaji wa watoto wapo katika jamii zetu, hivyo basi tunapotoa elimu, tunaelimisha jamii ili iweze kumlinda mtoto na hatari zozote ambazo zinaweza kujitokeza kwenye maeneo hayo jambo ambalo tunaamini linaweza kupunguza vitendo vya ukatili,"alisema Rwebangira.

Naye Daktari Bingwa wa watoto kutoka Hospitali ya Taifa ya Muhimbili (MNH) Judith Cosmas alisema kuwa, ikiwa watoto watalelewa katika mazingira salama, ukuaji wao unakua mzuri na kumuelusha na magonjwa mbalimbali.

" Ikiwa mtoto atalelewa katika mazingira salama, atakua ameepukana na magonjwa mbalimbali ambayo yanaweza kuathiri ukuaji wake kimwili na kiakili," alisema Dk. Cosmas.

Aliongeza kuwa, mtoto huyo atakua mchangamfu kutokana na ubongo wake kukua katika hali ya utimilifu na kumfanya kuwa na afya njema.  

Hata hivyo, baadhi ya washiriki wa mafunzo hayo wamesema kuwa, elimu ya malezi jumuishi ni muhimu katika jamii ambapo ndipo watoto wanapoishi, kusoma na kufanyika kwa vitendo vya ukatili.

" Hawa watoto ni wetu, tunaishu nao Katika jamii zetu na wanaotekeleza vitendo vya ukatili wanatoka ktika jamii zetu, hivyo basi kutolewa Kwa mafunzo haya kutabdilisha mtazamo kwa wananchi na kuongeza ulinzi Kwa watoto," alisema Adam Mtenda.

Kwa upande wake, Shadya Junior ambaye ni dada wa kazi alisema kuwa, wazazi wanapaswa kusihi vizuri na wasichana wa kazi Ili kuleta ushirikiano, jambo ambalo litaweza kupunguza vitendo vya ukatili.

" Kuna baadhi ya wazazi wanawatesa sana wasichana wa kazi, jambo ambalo linasababisha chuki na baadhi yao kuwafanyia watoto vitendo vya ukatili, hivyo basi kutolewa kwa mafunzo haya kutabadili mtazamo na kuishi nao vizuri halk ambayo itapunguza vitenso vya ukatili," alisema Shadya.

Programu ya PJT-MMMAM, Serikali inashirikiana na Asasi za kiraia katika kutekelezaji wake, ulianza 2021 hadi 2026 ambao unalenga kutatua changamoto za ukuaji wa watoto nchini.





 

Comments

Post a Comment

Popular posts from this blog

KADA MGEJA AHUDHURIA MAZIKO YA MAMA MZAZI WA MWANDISHI MWANDAMIZI WA HABARI KAHAMA

Image
Mwenyekiti wa Taasisi ya Mzalendo Foundation na aliyewahi kuwa Mwenyekiti wa CCM Mkoa wa Shinyanga, Hamis Mgeja (mwenye kibaghalashia), ameungana na familia ya mwandishi mwandamizi wa habari, Mohab Dominick, katika maziko ya mama yake mzazi, Tekra Limi, aliyefariki dunia akiwa na umri wa miaka 91. Maziko hayo yalifanyika katika makaburi ya Kanisa Katoliki Mbulu, katika Manispaa ya Kahama, mkoani Shinyanga. Viongozi mbalimbali wa chama na serikali walihudhuria tukio hilo, wakitoa heshima zao za mwisho kwa marehemu na pole kwa familia iliyoachwa. Akizungumza katika maziko hayo, Mgeja alitoa neno la faraja kwa familia ya Mohab Dominick, akiwatia moyo kuwa Bwana ametoa na Bwana ametwaa, jina lake lihimidiwe.Alisema kuwa ingawa ni kipindi kigumu, wanapaswa kuwa na imani na kumshukuru Mungu kwa kila jambo. Mwenyekiti wa Taasisi ya Mzalendo Foundation na aliyewahi kuwa Mwenyekiti wa CCM Mkoa wa Shinyanga, Hamis Mgeja,  \ameungana na familia ya mwandishi mwandamizi wa habari, Mohab Dominic...
Read more

UNAMKUMBUKA AMINA CHIFUPA WA MPAKANJIAA.

Image
Leo ni Miaka Mitano ya Kumbukumbu ya Kifo cha Amina Chifupa Mpakanjia Ilikuwa June 26.2007 tulipompoteza Mh. Amina Chifupa Mpakanjia. Ikiwa pia ni siku ya upigaji vita matumizi ya madawa ya kulevya. Amina leo ametimiza Miaka Mitano sasa tangu alipotutoka na ataendelea kukumbukwa kwa ucheshi wake, mbwembwe zake katika utangazaji wake kupitia kipindi cha Chuchuchu, Kwa raha zetu, Bambataa na Leo tena katika Redio ya Clouds FM. Mpaka anakumbwa na mauti alikuwa Mbunge wa Viti Maalum kupitia Chama Cha Mapinduzi (CCM).Watanzania wataendelea kumuenzi na  atakumbukwa kwa vita yake dhidi ya wauzaji wa dawa ya kulevya. Wakati leo tukimkumbuka Bi. Amina Chifupa, serikali nayo inaadhimisha Siku ya Kupambana na Dawa za kulenya Nchini.                                          ...
Read more

Je, wajua kwamba Australia ni bara, nchi na kisiwa?

Image
 Kangaroo hupatikana Australia pekee  Miamba Bahari ya Australia ni mikubwa kuliko yote Duniani na kivutio kwa watalii  Ramani ya Australia Robo tatu ya Waustralia wanaishi katika majiji makubwa na maeneo ya pwani. Fukwe pia ni sehemu za utambulisho wa Australia SAYARI tuishimo yaani dunia ina mabara saba, ambayo tukianzia kwa mtiririko wa bara kubwa hadi dogo ni Asia, Afrika, Amerika Kaskazini, Amerika Kusini, Ulaya, Antarctica na Australia Mbali ya mabara hayo ambayo Antartica ni pekee lisilokaliwa na watu kutokana na kufunikwa na barafu kwa asilimia 89, dunia ina nchi huru kati ya 180 na 195 huku ikiwa na mamia kwa maelfu ya visiwa. Katika makundi hayo matatu, Australia ni pekee duniani iliyobeba sifa zote tatu yaani bara, nchi na kisiwa, kwani nyingi zimeishia kuwa na sifa moja au mbili yaani nchi na au kisiwa. Australia ni bara dogo kuliko yote duniani, lakini pia kisiwa kikubwa kuliko vyote katika sayari hii. Mbali ya sifa hiz...
Read more