Polisi wapekua nyumba ya Mbunge Lema

JESHI la Polisi mkoa wa Arusha jana limefanya upekuzi wa zaidi ya Saa 1 katika nyumba anayoishi Mbunge wa Jimbo la Arusha Mjini Godbless Lema (Chadema) iliyopo Njiro mjini hapa.

Lema anaedelea kushikiliwa na polisi mkoani hapa kwa ajili ya mahojiano tangu Alhamisi baada ya kukamatwa akiwa bungeni Dodoma na kusafirishwa hadi mkoani hapa.
Aidha, Kamanda wa Polisi Mkoa wa Arusha Charles Mkumbo akizungumza na MTANZANIA Jumapili kwa njia ya simu jana, ili kupata uhakika wa habari za kupekuwaliwa nyumbani kwa kiongozi alisema, hawezi kutoa taarifa za mambo ya kipelelezi.

"Hayo ni mambo ya kiuchunguzi hatuwezi kutangaza taarifa leo tunamhoji au kupekua mtu nyumbani kwake hapana. Hatuwezi kutoa taarifa za kila kitu tunachofanya,"alidai Kamanda Mkumbo.

Hata hivyo Mke wa mbunge huyo Neema Lema, akizungumza kwa njia ya simu alidai kwamba ni kweli askari polisi wakiwa na magari manne, askari wenye silaha wakiongozana na OC CID Damass Massawe walifika nyumbani kwake kupekua.

"Sikuwepo nyumbani kwa wakati huo. Nilikuwa nje kidogo ya mji eneo la Kisongo kumuona dada yangu, wakati wao wakipekua. Lakini taarifa zote nimezipata kwamba wamepekua nyumba nzima kasoro chumba tunacholala kwani nilikifunga na kuondoka na ufunguo," alidai Neema na kuongeza:

"Kwa kweli hawakuondoka na kitu chochote. Lakini pia hawakusema wanatafuta nini, na ili tu uone hakuna wanachokitafuta ni kwamba tangu juzi walipoanza kumshikilia mpaka leo (jana) walikuwa hawajamhoji," alidai.

Wiki iliyopita Lema akiwa bungeni mjini Dodoma mara baada ya kumalizika kwa vikao kwa Bunge alitiwa nguvuni na jeshi la polisi kisha kusafirishwa usiku hadi mkoani Arusha kwa ajili ya kuhojiwa dhidi ya tuhuma zinazodaiwa kumkabili.
Akithibitisha kushikiliwa na kuhojiwa kwa Lema, ofisini kwake juzi mjini hapa Kamanda 

Mkumbo alisema, ni kweli kiongozi huyo alikuwa anaendelea kushikiliwa katika mahabusu iliyopo kituo Kikuu cha Polisi mjini hapa.
"Ni kweli tunamshikilia yupo mahabusu, tunaendelea kumhoji kuna mambo bado tunakamilisha ya kiuchunguzi,tukimaliza kumhoji tutamfikisha mahakamani,"alisema Kamanda Mkumbo

Novemba Mosi, Mwaka huu Lema alikamatwa na polisi akidaiwa kutoa lugha zenye uchochezi dhidi ya Rais Dk. John Magufuli, katika mikutano yake hadhara ya Jimbo ambapo alihojiwa na kuachiwa kwa dhamana.
Akifafanua madai hayo Kamanda Mkumbo alisema zipo baadhi ya tuhuma ambazo hawakuwa wamemuhoji. Hivyo kukamatwa kwake ni muendelezo wa upelelezi kabla hawajamfikisha mahakamani.

"Tunamshikilia Lema hatutampa dhamana mpaka tumalize kumhoji, kuna masuala tulikuwa hatujamhoji juzi na akimaliza kuhojiwa atapelekwa mahakamani,"alidai.

Alisema wanaendelea kumhoji Lema kwa tuhuma za kutoa lugha zenye uchochezi dhidi ya Rais Dkt. Magufuli, kupitia mikutano ya hadhara aliyoifanya katika jimbo hilo.
“Alitoa lugha zenye uchochezi kinyume cha sheria na baadhi ya maneno aliyotoa yenye uchochezi ni kama “Mhe Rais wa Jamhuri ya Muungano wa Tanzania akiendelea kugandamiza dekomrasia siasa za ugandamizaji taifa litaingia katika umwagaji wa damu,”alinukuu Kamanda Mkumbo na kuongeza:
\
“Nchi hii inaandaliwa kwenda katika utawala wa kidikteta na pia aliwataka wananchi wawe tayari kwa lolote na waache kabisa uoga kwani uoga ni dhambi mbaya kuliko dhambi zote duniani,” alisema.

Comments

Post a Comment

Popular posts from this blog

Je, wajua kwamba Australia ni bara, nchi na kisiwa?

Image
 Kangaroo hupatikana Australia pekee  Miamba Bahari ya Australia ni mikubwa kuliko yote Duniani na kivutio kwa watalii  Ramani ya Australia Robo tatu ya Waustralia wanaishi katika majiji makubwa na maeneo ya pwani. Fukwe pia ni sehemu za utambulisho wa Australia SAYARI tuishimo yaani dunia ina mabara saba, ambayo tukianzia kwa mtiririko wa bara kubwa hadi dogo ni Asia, Afrika, Amerika Kaskazini, Amerika Kusini, Ulaya, Antarctica na Australia Mbali ya mabara hayo ambayo Antartica ni pekee lisilokaliwa na watu kutokana na kufunikwa na barafu kwa asilimia 89, dunia ina nchi huru kati ya 180 na 195 huku ikiwa na mamia kwa maelfu ya visiwa. Katika makundi hayo matatu, Australia ni pekee duniani iliyobeba sifa zote tatu yaani bara, nchi na kisiwa, kwani nyingi zimeishia kuwa na sifa moja au mbili yaani nchi na au kisiwa. Australia ni bara dogo kuliko yote duniani, lakini pia kisiwa kikubwa kuliko vyote katika sayari hii. Mbali ya sifa hizo mbili pia ni
Read more

UNAMKUMBUKA AMINA CHIFUPA WA MPAKANJIAA.

Image
Leo ni Miaka Mitano ya Kumbukumbu ya Kifo cha Amina Chifupa Mpakanjia Ilikuwa June 26.2007 tulipompoteza Mh. Amina Chifupa Mpakanjia. Ikiwa pia ni siku ya upigaji vita matumizi ya madawa ya kulevya. Amina leo ametimiza Miaka Mitano sasa tangu alipotutoka na ataendelea kukumbukwa kwa ucheshi wake, mbwembwe zake katika utangazaji wake kupitia kipindi cha Chuchuchu, Kwa raha zetu, Bambataa na Leo tena katika Redio ya Clouds FM. Mpaka anakumbwa na mauti alikuwa Mbunge wa Viti Maalum kupitia Chama Cha Mapinduzi (CCM).Watanzania wataendelea kumuenzi na  atakumbukwa kwa vita yake dhidi ya wauzaji wa dawa ya kulevya. Wakati leo tukimkumbuka Bi. Amina Chifupa, serikali nayo inaadhimisha Siku ya Kupambana na Dawa za kulenya Nchini.                                            Pumzika kwa Amani Amina Chifupa! Chini ni picha za baadhi ya matukio mbalimbali ambayo Amina chifupa aliweza kushikiriki wakati wa Uhai wake. Picha Hizi zilipigwa enzi hizo Amina Chifupa alipenda mich
Read more

AMANI YETU TUILINDE NAIBU WAZIRI CHANDE AZUNGUMZA KATIKA IJITIMAI JIJINI DODOMA

Image
Naibu waziri wa fedha, Hamad Hassan Chande,.amewataka waumini kuendelea kuiombe amani nchi ya Tanzania ikiwemo kukemea kukiuka kwa madili ya kiafrika na kufuatwa kwa maadili ya nchi za maghalibi hasa katika kipindi hiki cha dunia kupolomoka kimaadili Ameyasema hayo katika ufunguzi wa IJITIMAI Kimataifa inayofanyika katika msikiti wa Gadaff jijini Dodoma.  Amesema amani ya nchi ni muhimu waumini na mashekh waisaidie Serikali kuombea amani kwani tupo katika  nyakati za  machafuko katika baadhi ya nchi tunazopakana nazo sisi Tanzania hatupo katika kisiwa. "Amani yetu tuilienda hata ikibidi kwa ncha ya upanga Aidha amewaoba wafanyabiashara kulipa kodi kwani  hiyo itainua Taifa, mnunuzi adai risti na muuzaji atoe risti, hakuna nchi iliyoendelea Duniani bila kulipa kodi " waumini wenzangu tukiyazingatia hayo yote niliyosema nchi yetu itakuwa imepiga hatua kubwa, hakuna haja ya kuwindana kama wanyama msituni nani hajatoa risti tumkamate", alisema Naibu waziri Chande. SHEIKH WA
Read more