ASHA BARAKA KIELELEZO CHA MWANAMKE WA SHOKA KATIKA MUZIKI WA DANS TANZANIA MIAKA 30 BADO NYOTA INAWAKA

NA  SAID MDOE: 

Kwa Asha Baraka hakuna adui wa kudumu na ndiyo maana inapotokea msanii wa Twanga Pepeta anahama bendi, bado ataambiwa mlango wa kurejea uko wazi hata kama aliondoka kwa kuchafua hali ya hewa.

Asilimia kubwa ya wasanii nyota wa Twanga Pepeta waliohama bendi, walirejea kundini.

Sina haja ya kutaja majina ya watu, lakini haihitaji taasisi ya utafiti kubaini kuwa wasanii wengi walioweka alama kubwa Twanga Pepeta, walipojaribu kuhama, walirejea.

Jumamosi hii Asha Baraka anakwenda kufanya tukio kubwa la kiburudani pale Brake Point Makumbusho jijini Dar es Salaam.

Ni miaka 30 ya Asha Baraka kwenye utumishi wa muziki wa dansi, waimbaji nyota waliowahi kupita kwenye mikono yake kama Nyoshi el Saadat, Ally Chocky, Mwinjuma Muumini na Kalala Jr ambao wote hao kwasasa wanamiliki bendi zao, watasindikiza tukio hilo.

Inawezekana Asha Baraka kama binaadamu yeyote yule, ana madhaifu yake, lakini inawezekana pia ana mazuri mengi na anajua namna ya kutengeneza undugu na watu waliomzunguka, kuanzia wasanii hadi wadau wa muziki.

Asha Baraka wakati mwingine hajali ukorofi, usumbufu wala utukutu wa msanii, yeye anaheshimu kipaji cha mtu huku akiamini mengine yatarekebishika.

Anajua ubora na udhaifu wao na anatambua namna ya kuishi na kila mmoja na ndiyo maana leo wasanii wake wa zamani wamekubali kwenda kumuunga mkono kwenye jambo lake.

Onyesho hili la miaka 30 ya Asha Baraka kwenye 'game' linasubiriwa kwa hamu kubwa hasa kutokana na ukweli kuwa mwanamama huyu hajawahi kuwa na jambo dogo pale anapoandaa matamasha mbali mbali.

Lakini napenda kumpa tahadhari Asha Baraka na timu yote inayohusika na maandalizi ya onyesho hili. Idadi ya watumbuizaji nyota ni kubwa hivyo umakini wa hali ya juu unahitajika.

Mbali na Chocky, Nyoshi, Muumini na Kalala Junior, kwenye onyesho hilo wapo pia TID, Dully Sykes na Mr Nice, achilia mbali Twanga Pepeta na Twanga Digital.

Kama jukwaa litakuwa sehemu ya baraza la gumzo kwa Ma MC na kamati ya maandalizi, kama muda wa kila tukio hautazingatiwa, basi onyesho hili linaweza kugeuka kuwa kero.

Na ndio maana namtaka Asha Baraka akailinde heshima aliyojiwekea kwenye ubora wa kuandaa maonyesho makubwa.

Asha Baraka hajawahi kufanya tukio hili hapo kabla, hajafanya ilipotimu miaka kumi wala ishirini, hivyo tukio hili linachukuliwa kama la kipekee na linastahili kutendewa haki katika kila idara kuanzia ratiba, utunzaji wa muda, 'sound' na muonekano wa ukumbi (mapambo).

Yote kwa yote, kwa wale wadau kindakindaki wa muziki wa dansi, watakuwa watu wa ajabu sana kama watalikosa onyesho hili bila sababu zisizozuilika.

Ili ujuwe kwamba mwanamama huyu kiboka Twanga Pepeta ilianzia na kiingilio kinywaji chako tu pale Mango Garden na Leaders Clab Kinondoni jiji la Dar es salaam, hadi leo hii kufikia kiingilio cha maelfu ya shilingi, wengi waliopambana naye katika muziki wengine tumewasahahu hongera 

 

Comments

Post a Comment

Popular posts from this blog

AJIRA MPYA 41,500 SERIKALINI ZATANGAZWA KATIBU MKUU UTUMISHI JUMA MKOMI

Image
Katibu Mkuu Ofisi ya Rais Menejimenti ya Utumishi wa Umma na Utawala Bora, Juma Mkomi, akizungumza leo na wanahabri kuhusu utoaji wa vibali vya ajira kwa mwaka wa fedha  2024 /2025 na 2025/2026. ambapo alisema Taasisi mbalimbali zinatakiwa kuajili wafanyakazi wapya, hebu iona taarifa kamili ya Katibu huyo  @@@@@@@@@@@@@@@@@@@@@@@@ TAARIFA YA UTOAJI WA VIBALI VYA AJIRA KWA MWAKA WA FEDHA 2024/25 NA MWAKA 2025/26 Jamhuri ya Muungano wa Tanzania, Katika kuhakikisha kuwa Wizara, Idara, Taasisi za Serikali, Sekretarieti za Mikoa na Mamlaka za Serikali za Mitaa zinakuwa na watumishi wa kutosha kutekeleza majukumu yake, Serikali katika kipindi cha miaka miwili ambayo ni mwaka wa fedha 2024/25 na Mwaka 2025/26, iliidhinishwa na Bunge la Jamhuri ya Muungano wa Tanzania nafasi 86,500 za Ajira Mpya. a) MWAKA WA FEDHA 2024/25 Ndugu Wanahabari; Serikali katika mwaka wa fedha 2024/25 ilitoa kibali cha nafasi 45,000 za ajira mpya kwa Taasisi mbalimbali na utekelezaji wake ulianza kuanzi...
Read more

Je, wajua kwamba Australia ni bara, nchi na kisiwa?

Image
 Kangaroo hupatikana Australia pekee  Miamba Bahari ya Australia ni mikubwa kuliko yote Duniani na kivutio kwa watalii  Ramani ya Australia Robo tatu ya Waustralia wanaishi katika majiji makubwa na maeneo ya pwani. Fukwe pia ni sehemu za utambulisho wa Australia SAYARI tuishimo yaani dunia ina mabara saba, ambayo tukianzia kwa mtiririko wa bara kubwa hadi dogo ni Asia, Afrika, Amerika Kaskazini, Amerika Kusini, Ulaya, Antarctica na Australia Mbali ya mabara hayo ambayo Antartica ni pekee lisilokaliwa na watu kutokana na kufunikwa na barafu kwa asilimia 89, dunia ina nchi huru kati ya 180 na 195 huku ikiwa na mamia kwa maelfu ya visiwa. Katika makundi hayo matatu, Australia ni pekee duniani iliyobeba sifa zote tatu yaani bara, nchi na kisiwa, kwani nyingi zimeishia kuwa na sifa moja au mbili yaani nchi na au kisiwa. Australia ni bara dogo kuliko yote duniani, lakini pia kisiwa kikubwa kuliko vyote katika sayari hii. Mbali ya sifa hiz...
Read more

WALIOPITA KURA ZA MAONI CCM HAWA HAPA

Image
 TAARIFA KWA UMMA UTEUZI WA AWALI WA WANACHAMA WA CHAMA CHA MAPINDUZI (CCM) WATAKAOSHIRIKI KATIKA ZOEZI LA KURA ZA MAONI KWA NAFASI ZA UBUNGE NA UJUMBE WA BARAZA LA WAWAKILISHI Kamati Kuu ya Halmashauri ya Chama Cha Mapinduzi (CCM) Taifa, katika kikao chake kilichofanyika tarehe 28 Julai, 2025 Jijini Dodoma, pamoja na mambo mengine, imepitia na kujadili majina ya wanachama wake walioomba kupendekezwa katika mchakato wa kura za maoni ndani ya CCM. Kwa kuzingatia mamlaka iliyopewa chini ya Ibara ya 105 (7)(f) ya Katiba ya CCM ya Mwaka 1977 Toleo la Julai 2025, Kamati Kuu imefanya uteuzi wa majina ya wanachama wafuatao, ambao watapigiwa kura za maoni kwa mujibu wa Kanuni na Kalenda za Chama Cha Mapinduzi. 1) MKOA WA ARUSHA (i) Jimbo la Arusha Mjini (1) Ndugu Ally Said BABU (2) Ndugu Hussein Omarhajji GONGA (3) Ndugu Aminatha Salash TOURE (4) Ndugu Mustapha Said NASSORO (5) Ndugu Paul Christian MAKONDA (6) Ndugu Lwembo Mkwavi MGHWENO (7) Ndugu Jasper Augustino KISHUMBUA (ii) Jimbo la A...
Read more