AJIRA MPYA 41,500 SERIKALINI ZATANGAZWA KATIBU MKUU UTUMISHI JUMA MKOMI

Katibu Mkuu Ofisi ya Rais Menejimenti ya Utumishi wa Umma na Utawala Bora, Juma Mkomi, akizungumza leo na wanahabri kuhusu utoaji wa vibali vya ajira kwa mwaka wa fedha  2024 /2025 na 2025/2026. ambapo alisema Taasisi mbalimbali zinatakiwa kuajili wafanyakazi wapya, hebu iona taarifa kamili ya Katibu huyo 
@@@@@@@@@@@@@@@@@@@@@@@@
TAARIFA YA UTOAJI WA VIBALI VYA AJIRA KWA MWAKA
WA FEDHA 2024/25 NA MWAKA 2025/26 Jamhuri ya Muungano wa Tanzania,
Katika kuhakikisha kuwa Wizara, Idara, Taasisi za Serikali, Sekretarieti za Mikoa na Mamlaka za Serikali za Mitaa zinakuwa na watumishi wa kutosha kutekeleza majukumu yake, Serikali katika kipindi cha miaka miwili ambayo ni mwaka wa fedha 2024/25 na Mwaka 2025/26, iliidhinishwa na Bunge la Jamhuri ya Muungano wa Tanzania nafasi 86,500 za Ajira Mpya.
a) MWAKA WA FEDHA 2024/25
Ndugu Wanahabari; Serikali katika mwaka wa fedha 2024/25 ilitoa kibali cha nafasi 45,000 za ajira mpya kwa Taasisi mbalimbali na utekelezaji wake ulianza kuanzia tarehe 29 Aprili, 2025.
Ndugu Wanahabari; Kufuatia kutolewa kwa kibali hicho, mchakato wa kujaza nafasi hizo umefanyika na hadi sasa nafasi 30,863 zimejazwa na wahusika wamepangiwa vituo vya kazi. Aidha, nafasi 6,701 usaili umefanyika na wahusika watapangwa vituo vya kazi ndani ya Mwezi Oktoba, 2025 na nafasi 7,436 ujazaji wake utakamilika Mwezi Novemba, 2025 na wasailiwa kupangwa vituo vya kazi mwezi huo huo.
b) MWAKA WA FEDHA 2025/26
Ndugu Wanahabari; Katika mwaka wa fedha 2025/26 Bunge la Jamhuri ya Muungano wa Tanzania iliidhinishwa nafasi 41,500 za ajira mpya kwa Taasisi mbalimbali zikiwemo nafasi 12,176 za Walimu na nafasi 10,280 za kada za Afya ambapo utekelezaji wake unaanza mara moja.
Mchanganuo wa Mgawanyo wa Ajira Mpya 2025/26 Kisekta NA. SEKTA IDADI YA NAFASI ZILIZOTOLEWA
1
Elimu
12,176
2
Afya (Mamlaka za Serikali za Mtaa)
10,280
4
Kilimo
470
5
Mifugo
312
6
Uvuvi
47
7
Polisi
5,000
8
Magereza
750
9
Jeshi la Zimamoto
1,000
10
Uhamiaji
443
12
Kada Nyinginezo*
11,022 Jumla 41,500
Ninaelekeza Sekretarieti ya Ajira katika Utumishi wa Umma kuanza mchakato wa kujaza nafasi hizi za mwaka 2025/26 pamoja na kukamilisha mchakato wa nafasi zote za Mwaka 2024/25. Ili kuhakikisha Sekretarieti ya Ajira inatekeleza jukumu hili ipasavyo, Waajiri wote wanaelekezwa kutoa ushirikiano.
Aidha, ninapenda pia kutoa maelekezo kwa Waajiri ambao Sekretarieti ya Ajira imekasimu madaraka ya uendeshaji wa mchakato wa ajira kwa baadhi ya kada, kuhakikisha wanaendesha usaili huu mara moja ili kujaza nafasi walizoidhinishiwa kwa kuzingatia Sheria, Taratibu na Kanuni za uendeshaji wa usaili katika Utumishi wa Umma.

Ndugu Wanahabari; Kwa lengo la kuhakikisha zoezi la usaili linapunguza gharama na linafanyika kwa wakati, Sekretarieti ya Ajira katika Utumishi wa Umma inaelekezwa kuzingatia mambo yafuatayo:-
i. Zoezi la usaili lifanyike kila Mkoa Tanzania Bara na vituo vilivyoandaliwa mahsusi wa upande wa Zanzibar ili kutoa fursa kwa waombaji kutoka katika maeneo husika kuomba na hatimaye kusailiwa;
ii. Waombaji watakaofaulu usaili lakini wakashindwa kupangiwa kazi baada ya usaili wawekwe katika Kanzidata na waendelee kupangiwa kazi kwa kadri nafasi za ajira mpya zitakapokuwa zinapatikana. Waombaji hawa watapangiwa kazi katika Taasisi zitakazokuwa na nafasi popote hapa nchini; na
iii. Barua za kupangiwa vituo vya kazi kwa wasailiwa watakaofualu usaili zipatikane katika “Mfumo wa Ajira Portal” kupitia akaunti za wahusika.
Ndugu Wanahabari; Mwisho ninapenda kuwashukuru kwa mwitikio wenu kila mnapoitwa na Ofisi hii na Taasisi nyingine za Umma kwani ninatambua kuwa bila kalamu zenu habari za Serikali haziwezi kufika kwa wananchi.



@@@@@@@@@@@@@@@@@@@@@@@@@@@

 TATHMINI YA KILELE CHA WIKI YA HUDUMA KWA MTEJA Kwa mujibu wa Hati Idhini ya Rais ya Mgawanyo wa
Majukumu ya Wizara iliyotolewa kupitia Tangazo la Serikali Na. 534 la tarehe 02
Julai, 2021; Ofisi ya Rais, Menejimenti ya Utumishi wa Umma na Utawala Bora
(OR MUUUB) pamoja na majukumu mengine, imepewa jukumu la kusimamia
utendaji kazi katika Utumishi wa Umma. Usimamizi wa utendaji kazi katika
Utumishi wa Umma ni uzingatiaji wa Sera ya Menejimenti na Ajira Katika
Utumishi wa Umma (2008), Sheria ya Utumishi wa Umma Sura 298, Kanuni za
Utumishi wa Umma (2022), Kanuni za Kudumu katika Utumishi wa Umma (2009)
na Waraka wa Mkuu wa Utumishi wa Umma Na. 3 wa Mwaka 2024 kuhusu
Utekelezaji wa Mfumo wa Usimamizi wa Utendaji Kazi katika Utumishi wa
Umma.
Ndugu Wanahabari
Katika kutekeleza majukumu yaliyobainishwa katika Hati
Idhini, Ofisi hii imekuwa na utamaduni wa kutekeleza kwa vitendo W iki ya
H uduma kwa M teja ambayo hua dhimishwa kuanzia tarehe 6 hadi 1 0 Oktoba kila
mwaka . Kwa upande wa Utumishi wa Umma Waajiri na watumishi wa umma
nchini wameendelea kutekeleza majukumu yao ya kuwahudumia wateja wa
ndani na nje ya taasisi za o kwa viwango vya kuridhisha.
Tathmini iliyofanyika na Ofisi hii imebaini kuwa Waajiri na watumishi wa umma
wameweza kutekel eza dhima na malengo ya W iki ya H uduma kwa M teja kwa
viwango vya kuridhisha. Nichukue fursa hii kuwashukuru na kuwapongeza.

Kwa upande wa Ofisi ya Rais, Menejimenti ya Utumishi wa Umma na Utawala  Bora iliendelea kutoa huduma kwa wateja kwa kuzingatia Maadili ya Msingi iliendelea kutoa huduma kwa wateja kwa kuzingatia Maadili ya Msingi ((Core ValuesCore Values) za Ofisi hii ambazo ni Mteja Kwanza, Uzalendo, Uadilifu na Ubora.  Aidha jumla ya wateja 312 312 waliwafikia  na kuhudumiwa na  Viongozi na watumishi na Viongozi wa Ofisi hii. Tathmini inaonesha idadi kubwa ya watumishi waliofika  katika kipindi hicho, walikuwa na uhitaji wa kupata huduma mbalimbali  zinazohusu masuala ya usimamizi wa utendaji kazi   matumizi ya Mfumo wa Umma (PEPMIS/PIPMIS) .

Comments

Post a Comment

Popular posts from this blog

UNAMKUMBUKA AMINA CHIFUPA WA MPAKANJIAA.

Image
Leo ni Miaka Mitano ya Kumbukumbu ya Kifo cha Amina Chifupa Mpakanjia Ilikuwa June 26.2007 tulipompoteza Mh. Amina Chifupa Mpakanjia. Ikiwa pia ni siku ya upigaji vita matumizi ya madawa ya kulevya. Amina leo ametimiza Miaka Mitano sasa tangu alipotutoka na ataendelea kukumbukwa kwa ucheshi wake, mbwembwe zake katika utangazaji wake kupitia kipindi cha Chuchuchu, Kwa raha zetu, Bambataa na Leo tena katika Redio ya Clouds FM. Mpaka anakumbwa na mauti alikuwa Mbunge wa Viti Maalum kupitia Chama Cha Mapinduzi (CCM).Watanzania wataendelea kumuenzi na  atakumbukwa kwa vita yake dhidi ya wauzaji wa dawa ya kulevya. Wakati leo tukimkumbuka Bi. Amina Chifupa, serikali nayo inaadhimisha Siku ya Kupambana na Dawa za kulenya Nchini.                                          ...
Read more

Je, wajua kwamba Australia ni bara, nchi na kisiwa?

Image
 Kangaroo hupatikana Australia pekee  Miamba Bahari ya Australia ni mikubwa kuliko yote Duniani na kivutio kwa watalii  Ramani ya Australia Robo tatu ya Waustralia wanaishi katika majiji makubwa na maeneo ya pwani. Fukwe pia ni sehemu za utambulisho wa Australia SAYARI tuishimo yaani dunia ina mabara saba, ambayo tukianzia kwa mtiririko wa bara kubwa hadi dogo ni Asia, Afrika, Amerika Kaskazini, Amerika Kusini, Ulaya, Antarctica na Australia Mbali ya mabara hayo ambayo Antartica ni pekee lisilokaliwa na watu kutokana na kufunikwa na barafu kwa asilimia 89, dunia ina nchi huru kati ya 180 na 195 huku ikiwa na mamia kwa maelfu ya visiwa. Katika makundi hayo matatu, Australia ni pekee duniani iliyobeba sifa zote tatu yaani bara, nchi na kisiwa, kwani nyingi zimeishia kuwa na sifa moja au mbili yaani nchi na au kisiwa. Australia ni bara dogo kuliko yote duniani, lakini pia kisiwa kikubwa kuliko vyote katika sayari hii. Mbali ya sifa hiz...
Read more

KADA MGEJA AHUDHURIA MAZIKO YA MAMA MZAZI WA MWANDISHI MWANDAMIZI WA HABARI KAHAMA

Image
Mwenyekiti wa Taasisi ya Mzalendo Foundation na aliyewahi kuwa Mwenyekiti wa CCM Mkoa wa Shinyanga, Hamis Mgeja (mwenye kibaghalashia), ameungana na familia ya mwandishi mwandamizi wa habari, Mohab Dominick, katika maziko ya mama yake mzazi, Tekra Limi, aliyefariki dunia akiwa na umri wa miaka 91. Maziko hayo yalifanyika katika makaburi ya Kanisa Katoliki Mbulu, katika Manispaa ya Kahama, mkoani Shinyanga. Viongozi mbalimbali wa chama na serikali walihudhuria tukio hilo, wakitoa heshima zao za mwisho kwa marehemu na pole kwa familia iliyoachwa. Akizungumza katika maziko hayo, Mgeja alitoa neno la faraja kwa familia ya Mohab Dominick, akiwatia moyo kuwa Bwana ametoa na Bwana ametwaa, jina lake lihimidiwe.Alisema kuwa ingawa ni kipindi kigumu, wanapaswa kuwa na imani na kumshukuru Mungu kwa kila jambo. Mwenyekiti wa Taasisi ya Mzalendo Foundation na aliyewahi kuwa Mwenyekiti wa CCM Mkoa wa Shinyanga, Hamis Mgeja,  \ameungana na familia ya mwandishi mwandamizi wa habari, Mohab Dominic...
Read more