VIOONGOZI IMTU KIZIMBANI DAR

 Baadhi ya viongozi wa juu wa Hospitali  na Chuo cha Udaktari cha IMTU, wakiwa chini ya ulinzi wa askari  katika Mahakama ya Kinondoni jijini Dar es Salaam jana kusomewa mashtaka ya kutupa viungo vya binadamu hadharani. Kutoka kushoto ni  Venkat Subbaiah,  Appm Shankr,  Prabhakar  Rao na  Dinnesh Kumar.

 
VIONGOZI wanne wa Chuo Kikuu cha Tiba na Teknolojia (IMTU), wamefikishwa katika Mahakama ya Hakimu Mkazi Kinondoni, mjini Dar es Salaam jana, wakikabiliwa na mashtaka mawili.
Viongozi hao ambao ni raia wa India, ni Venkat Subbaiah (57), Appm Shankar (64), Prabhakar Rao (69) na Dinnesh Kumar (27).
Wakisomewa makosa hayo mbele ya Hakimu Kwey Rusema, Wakili wa Serikali, Magoma Mtani, alidai tukio hilo lilitokea Julai 20, mwaka huu, katika eneo la bonde la Mpiji Majohe, nje kidogo ya Jiji la Dar es Salaam.
Wakili Magoma alidai katika kosa la kwanza, washtakiwa wote wanakabiliwa na shtaka la kushindwa kuhifadhi miili ya binadamu iliyokuwa katika kituo hicho cha afya kwa ajili ya mazoezi kwa vitendo kwa wanafunzi.
Mtani alidai katika shtaka la pili, washtakiwa wote kwa pamoja wanakabiliwa na kosa la kushindwa kuwa na kibali kutoka kwa mtu maalumu anayetoa kibali cha kufukia ama kuteketeza miili hiyo (Coroner).
“Washtakiwa mlitenda kosa hili kinyume cha kifungu cha sheria namba 128 cha utaratibu wa kuhifadhi miili ya binadamu,” alidai Wakili.
Washtakiwa walikana kuhusika na kosa hilo na upelelezi wa shauri hilo unaendelea.
Hakimu Rusema alisema shtaka hilo linadhaminika kisheria, hivyo washtakiwa wanatakiwa kupeleka wadhamini wawili, wote wawe raia wa Tanzania.
Hata hivyo, Hakimu Rusema baada ya kumaliza kuwasomea masharti ya dhamana, alipokea ujumbe kutoka kwa Mkurugenzi wa Mashtaka nchini (DPP) kwamba jalada la washtakiwa hao lirudishwe kwake kwa ajili ya kuandaa upya mashtaka yao.
Kwa upande wake, Wakili wa Utetezi, Gaudiosus Ishengoma, alishangazwa kurudishwa kwa jalada hilo kwa DPP, kwani hiyo itakuwa ni mbinu za kuweka masharti magumu kwa wateja wake.
“Kisheria wateja wangu walishindwa  kufuata utaratibu wa kuhifadhi ile miili baada ya majaribio na kupata kibali kwa ‘Coroner’, hivyo kisheria kosa hili linadhaminika, lakini jalada litakapokuja tena upya linaweza likawa na masharti magumu,” alidai Ishengoma.
Washtakiwa hao walirudishwa rumande hadi jalada litakapotoka kwa DPP kwa ajili ya kusomewa tena.
Julai 21, mwaka huu, viungo vya binadamu vilitupwa katika eneo la Bonde la Mbweni Mpiji, Manispaa ya Kinondoni, jijini Dar es Salaam na uongozi wa Chuo cha IMTU na kuzua mjadala mkubwa.
Katika eneo hilo, MTANZANIA ilishuhudia mifuko mikubwa myeusi 85 ya nailoni ikiwa na viungo mbalimbali vya binadamu vikiwa vimechunwa ngozi.
Viungo hivyo ambavyo vilionekana  nyama zake zikiwa zimekauka ni pamoja na mafuvu ya vichwa, sehemu ya kifua cha binadamu, miguu, mikono, moyo na  mapafu.
Licha ya baadhi ya viungo kuonekana wazi, vilikuwa havitoi harufu, jambo lililotafsiriwa kuwa vilikuwa vimepuliziwa dawa kali ya kuondoa harufu.
Baadhi ya mashuhuda wa tukio hilo waliiambia MTANZANIA kuwa miili hiyo ilitupwa eneo hilo tangu Julai 20, mwaka huu.
Mmoja wa mashuhuda wa tukio hilo, Super Kaijunga (45), alisema alikuwa mtu wa kwanza kuona viungo hivyo.
Juzi Serikali ilitangaza kukifungia chuo hicho kwa muda usiojulikana.
Mwisho


     

Comments

Post a Comment

Popular posts from this blog

AJIRA MPYA 41,500 SERIKALINI ZATANGAZWA KATIBU MKUU UTUMISHI JUMA MKOMI

Image
Katibu Mkuu Ofisi ya Rais Menejimenti ya Utumishi wa Umma na Utawala Bora, Juma Mkomi, akizungumza leo na wanahabri kuhusu utoaji wa vibali vya ajira kwa mwaka wa fedha  2024 /2025 na 2025/2026. ambapo alisema Taasisi mbalimbali zinatakiwa kuajili wafanyakazi wapya, hebu iona taarifa kamili ya Katibu huyo  @@@@@@@@@@@@@@@@@@@@@@@@ TAARIFA YA UTOAJI WA VIBALI VYA AJIRA KWA MWAKA WA FEDHA 2024/25 NA MWAKA 2025/26 Jamhuri ya Muungano wa Tanzania, Katika kuhakikisha kuwa Wizara, Idara, Taasisi za Serikali, Sekretarieti za Mikoa na Mamlaka za Serikali za Mitaa zinakuwa na watumishi wa kutosha kutekeleza majukumu yake, Serikali katika kipindi cha miaka miwili ambayo ni mwaka wa fedha 2024/25 na Mwaka 2025/26, iliidhinishwa na Bunge la Jamhuri ya Muungano wa Tanzania nafasi 86,500 za Ajira Mpya. a) MWAKA WA FEDHA 2024/25 Ndugu Wanahabari; Serikali katika mwaka wa fedha 2024/25 ilitoa kibali cha nafasi 45,000 za ajira mpya kwa Taasisi mbalimbali na utekelezaji wake ulianza kuanzi...
Read more

Je, wajua kwamba Australia ni bara, nchi na kisiwa?

Image
 Kangaroo hupatikana Australia pekee  Miamba Bahari ya Australia ni mikubwa kuliko yote Duniani na kivutio kwa watalii  Ramani ya Australia Robo tatu ya Waustralia wanaishi katika majiji makubwa na maeneo ya pwani. Fukwe pia ni sehemu za utambulisho wa Australia SAYARI tuishimo yaani dunia ina mabara saba, ambayo tukianzia kwa mtiririko wa bara kubwa hadi dogo ni Asia, Afrika, Amerika Kaskazini, Amerika Kusini, Ulaya, Antarctica na Australia Mbali ya mabara hayo ambayo Antartica ni pekee lisilokaliwa na watu kutokana na kufunikwa na barafu kwa asilimia 89, dunia ina nchi huru kati ya 180 na 195 huku ikiwa na mamia kwa maelfu ya visiwa. Katika makundi hayo matatu, Australia ni pekee duniani iliyobeba sifa zote tatu yaani bara, nchi na kisiwa, kwani nyingi zimeishia kuwa na sifa moja au mbili yaani nchi na au kisiwa. Australia ni bara dogo kuliko yote duniani, lakini pia kisiwa kikubwa kuliko vyote katika sayari hii. Mbali ya sifa hiz...
Read more

WALIOPITA KURA ZA MAONI CCM HAWA HAPA

Image
 TAARIFA KWA UMMA UTEUZI WA AWALI WA WANACHAMA WA CHAMA CHA MAPINDUZI (CCM) WATAKAOSHIRIKI KATIKA ZOEZI LA KURA ZA MAONI KWA NAFASI ZA UBUNGE NA UJUMBE WA BARAZA LA WAWAKILISHI Kamati Kuu ya Halmashauri ya Chama Cha Mapinduzi (CCM) Taifa, katika kikao chake kilichofanyika tarehe 28 Julai, 2025 Jijini Dodoma, pamoja na mambo mengine, imepitia na kujadili majina ya wanachama wake walioomba kupendekezwa katika mchakato wa kura za maoni ndani ya CCM. Kwa kuzingatia mamlaka iliyopewa chini ya Ibara ya 105 (7)(f) ya Katiba ya CCM ya Mwaka 1977 Toleo la Julai 2025, Kamati Kuu imefanya uteuzi wa majina ya wanachama wafuatao, ambao watapigiwa kura za maoni kwa mujibu wa Kanuni na Kalenda za Chama Cha Mapinduzi. 1) MKOA WA ARUSHA (i) Jimbo la Arusha Mjini (1) Ndugu Ally Said BABU (2) Ndugu Hussein Omarhajji GONGA (3) Ndugu Aminatha Salash TOURE (4) Ndugu Mustapha Said NASSORO (5) Ndugu Paul Christian MAKONDA (6) Ndugu Lwembo Mkwavi MGHWENO (7) Ndugu Jasper Augustino KISHUMBUA (ii) Jimbo la A...
Read more