NAIBU WAZIRI MKUU DKT. BITEKO AWASHUKURU WALIMU BUKOMBE KWA KUONGEZA UFAULU NA KUWAJALI WANAFUNZI

 

Naibu Waziri Mkuu na Waziri wa Nishati, Mhe. Dkt. Doto Biteko ambaye
 ni  Mbunge wa Jimbo la Bukombe, akizungumza na wananchi wa Kijiji cha Kabuhima, Kata ya Uyovu wilayani Bukombe mkoani Geita ikiwa ni sehemu ya ziara zake kwenye maeneo mbalimbali katika Jimbo la Bukombe.

Naibu Waziri Mkuu na Waziri wa Nishati, Mhe. Dkt. Doto Biteko (kulia)
 ambaye ni  Mbunge wa Jimbo la Bukombe akiwa na Mkuu wa Geita, Martine Shigella wakizindua wodi mpya katika Hospitali ya Kumbukumbu ya Charles Kulwa, iliyopo Runzewe wilayani Bukombe, Mkoa wa Geita.

Wananchi wa Kijiji cha Kabuhima, Kata ya Uyovu wilayani Bukombe mkoani Geita wakimsikiliza Naibu Waziri Mkuu na Waziri wa Nishati, Mhe. Dkt.
 Doto Biteko ambaye ni  Mbunge wa Jimbo la Bukombe, wakati akizungumza nao ikiwa ni sehemu ya ziara zake kwenye maeneo mbalimbali katika Jimbo la Bukombe.

@@@@@@@@@@@@@@@@@@@@@@@@@@@

*Akemea tabia ya kutopeleka watoto shule kwa kigezo cha kuwaozesha

*Azindua wodi mpya katika Hospitali ya Kumbukumbu ya Charles Kulwa

Bukombe – Geita

Naibu Waziri Mkuu na Waziri wa Nishati, Mhe. Dkt. Doto Biteko amewapongeza na kuwashukuru Walimu wote wanaofundisha shule za Msingi na Sekondari wilayani Bukombe kwa kuwajali wanafunzi na kuwafundisha kwa weledi na maarifa ambayo yamepelekea wilaya hiyo kuwa na ufaulu mzuri.

Dkt. Biteko ambaye ni Mbunge wa Jimbo la Bukombe, amesema hayo wakati akizungumza na wananchi wa Kijiji cha Kabuhima, Kata ya Uyovu wilayani Bukombe mkoani Geita ikiwa ni sehemu za ziara zake kwenye maeneo mbalimbali katika Jimbo la Bukombe.

“ Nataka nichukue nafasi hii kuwapongeza na kuwashukuru Walimu wote katika wilaya ya Bukombe, wametupa heshima kubwa, miaka ya nyuma ambayo ni 2015 kurudi nyuma, hata tulipokuwa tukipangwa kimkoa katika matokeo ya Darasa la Saba, Kidato cha Nne na Kidato cha Sita tulikuwa katika nafasi ya mwisho, leo Walimu wa wilaya yetu wamefanya kazi kubwa, wametuheshimisha kwani katika Mkoa kama hatuwi wa kwanza, basi tunakuwa wa Pili.” Amesema Dkt. Biteko

Amesema kuwa, ufaulu huo mzuri unatokana na walimu hao kuwajali Wanafunzi, kuwafundisha vizuri na hivyo kupelekea wanafunzi hao kufanya vizuri katika mitihani yao, hivyo amesisitiza suala la wazazi na walezi kuwapeleka watoto wao shule na wasiwavunje moyo pale wanapoona hawafanyi vyema katika masomo.

Aidha, Dkt. Biteko amekea tabia ya baadhi ya wazazi na walezi kutopeleka watoto shule kwa nia ya kuwaozesha na kupata mahari, amesema kuwa Dkt. Samia Samia Suluhu Hassan amejenga na anaendelea kujenga shule za ngazi mbalimbali nchini hivyo wajibu wa wazazi ni kupeleka watoto shule na siyo kuwakwamisha.

Katika Kata hiyo ya Uyovu, Dkt. Biteko amesema kuwa, miradi mbalimbali ya maendeleo inaendelea kutekelezwa ikiwemo ujenzi wa Shule za msingi na Sekondari, ujenzi wa barabara kwa kiwango cha lami na ujenzi wa taa za barabarani utakaoanza mwezi Januari mwaka 2024 ikiwa ni utekelezaji wa ahadi ya Rais, Dkt. Samia aliyoitoa kwa wakazi wa Kata hiyo.

Katika hatua nyingine, Naibu waziri Mkuu na Waziri wa Nishati, Mhe.Dkt. Doto Biteko amezindua wodi mpya katika Hospitali ya Kumbukumbu ya Charles Kulwa iliyoko Runzewe wilayani Bukombe ambapo wodi hiyo ni maalum kwa ajili ya kuhudumia wanawake wajawazito wanaofanyiwa upasuaji.

Akiwa hospitalini hapo, Dkt. Biteko alipata fursa ya kutembelea maeneo mbalimbali ya hospitali hiyo iliyoanzishwa mwaka 1992 ikiwa kama Zahanati, mwaka 2005 ilipanda hadhi ya kuwa Kituo cha Afya na mwaka 2020 ilipandishwa hadhi ya kuwa hospitali ya Wilaya, ambapo aliupongeza uongozi wa hospitali hiyo inayohudumia wagonjwa takribani elfu 72 kwa mwaka.

Awali, akizungumza wakati wa hafla hiyo, Mkuu wa Mkoa wa Geita, Martine Shigella ambaye alikuwa mgeni maalum, alimshukuru Rais, Dkt. Samia Suluhu Hassan kwa kazi nzuri anayoifanya kuinua sekta Afya katika Mkoa wa Geita na maeneo mengine nchini akitolea mfano ujenzi wa Hospitali ya Rufaa ya Kanda ya Chato.

Aliwataka wadau wengine kuiga mfano wa wamiliki wa hospitali hiyo kwa kuhudumia wagonjwa wengi na kutoa huduma kwa kiwango cha hali ya juu hadi kufikia hatua ya kupandishwa hadhi.

Comments

Post a Comment

Popular posts from this blog

UNAMKUMBUKA AMINA CHIFUPA WA MPAKANJIAA.

Image
Leo ni Miaka Mitano ya Kumbukumbu ya Kifo cha Amina Chifupa Mpakanjia Ilikuwa June 26.2007 tulipompoteza Mh. Amina Chifupa Mpakanjia. Ikiwa pia ni siku ya upigaji vita matumizi ya madawa ya kulevya. Amina leo ametimiza Miaka Mitano sasa tangu alipotutoka na ataendelea kukumbukwa kwa ucheshi wake, mbwembwe zake katika utangazaji wake kupitia kipindi cha Chuchuchu, Kwa raha zetu, Bambataa na Leo tena katika Redio ya Clouds FM. Mpaka anakumbwa na mauti alikuwa Mbunge wa Viti Maalum kupitia Chama Cha Mapinduzi (CCM).Watanzania wataendelea kumuenzi na  atakumbukwa kwa vita yake dhidi ya wauzaji wa dawa ya kulevya. Wakati leo tukimkumbuka Bi. Amina Chifupa, serikali nayo inaadhimisha Siku ya Kupambana na Dawa za kulenya Nchini.                                            Pumzika kwa Amani Amina Chifupa! Chini ni picha za baadhi ya matukio mbalimbali ambayo Amina chifupa aliweza kushikiriki wakati wa Uhai wake. Picha Hizi zilipigwa enzi hizo Amina Chifupa alipenda mich
Read more

Je, wajua kwamba Australia ni bara, nchi na kisiwa?

Image
 Kangaroo hupatikana Australia pekee  Miamba Bahari ya Australia ni mikubwa kuliko yote Duniani na kivutio kwa watalii  Ramani ya Australia Robo tatu ya Waustralia wanaishi katika majiji makubwa na maeneo ya pwani. Fukwe pia ni sehemu za utambulisho wa Australia SAYARI tuishimo yaani dunia ina mabara saba, ambayo tukianzia kwa mtiririko wa bara kubwa hadi dogo ni Asia, Afrika, Amerika Kaskazini, Amerika Kusini, Ulaya, Antarctica na Australia Mbali ya mabara hayo ambayo Antartica ni pekee lisilokaliwa na watu kutokana na kufunikwa na barafu kwa asilimia 89, dunia ina nchi huru kati ya 180 na 195 huku ikiwa na mamia kwa maelfu ya visiwa. Katika makundi hayo matatu, Australia ni pekee duniani iliyobeba sifa zote tatu yaani bara, nchi na kisiwa, kwani nyingi zimeishia kuwa na sifa moja au mbili yaani nchi na au kisiwa. Australia ni bara dogo kuliko yote duniani, lakini pia kisiwa kikubwa kuliko vyote katika sayari hii. Mbali ya sifa hizo mbili pia ni
Read more

KADA MGEJA AHUDHURIA MAZIKO YA MAMA MZAZI WA MWANDISHI MWANDAMIZI WA HABARI KAHAMA

Image
Mwenyekiti wa Taasisi ya Mzalendo Foundation na aliyewahi kuwa Mwenyekiti wa CCM Mkoa wa Shinyanga, Hamis Mgeja (mwenye kibaghalashia), ameungana na familia ya mwandishi mwandamizi wa habari, Mohab Dominick, katika maziko ya mama yake mzazi, Tekra Limi, aliyefariki dunia akiwa na umri wa miaka 91. Maziko hayo yalifanyika katika makaburi ya Kanisa Katoliki Mbulu, katika Manispaa ya Kahama, mkoani Shinyanga. Viongozi mbalimbali wa chama na serikali walihudhuria tukio hilo, wakitoa heshima zao za mwisho kwa marehemu na pole kwa familia iliyoachwa. Akizungumza katika maziko hayo, Mgeja alitoa neno la faraja kwa familia ya Mohab Dominick, akiwatia moyo kuwa Bwana ametoa na Bwana ametwaa, jina lake lihimidiwe.Alisema kuwa ingawa ni kipindi kigumu, wanapaswa kuwa na imani na kumshukuru Mungu kwa kila jambo. Mwenyekiti wa Taasisi ya Mzalendo Foundation na aliyewahi kuwa Mwenyekiti wa CCM Mkoa wa Shinyanga, Hamis Mgeja,  \ameungana na familia ya mwandishi mwandamizi wa habari, Mohab Dominick, k
Read more