*BRELA YAELEKEZWA KUWALEA WAFANYABIASHARA NCHINI

 

Wakala wa Usajili wa Biashara na Leseni (BRELA), imeelekezwa kuwalea wafanyabiashara nchini kwa kurahisisha jinsi ya kuifikia, kuwa mbunifu wa namna ya kuwahudumia na kuifanya Taasisi kuwa ya watanzania ili kufikia malengo ya uanzishwaji wake.   

Maelekezo hayo yametolewa na Waziri wa Viwanda na Biashara, Mhe. Dkt. Ashatu Kijaji alipokuwa akifungua mkutano wa kwanza wa BRELA na wadau wake leo tarehe 27 Oktoba, 2023 kwenye ukumbi wa Mlimani City, jijini Dar es Salaam.

Mhe. Dkt. Kijaji ameeleza kuwa, Rais wa Jamhuri ya Muungano wa Tanzania, Mhe. Dkt. Samia Suluhu Hassan ameamua kukabidhi uchumi wa taifa kwa sekta binafsi na amefungua mipaka yote, hivyo taasisi ya kwanza inayoshughulikia sekta binafsi ni BRELA kwakuwa uchumi wa nchi unakua kupitia ukuaji wa sekta ya viwanda na biashara nchini.

Ameongeza kwa kusema kuwa kuanzia mwaka 2019 hadi Juni, 2023 Serikali imeeendelea kutekeleza mpango wa kuboresha mazingira bora ya biashara na  kuondoa tozo na kodi mbalimbali zaidi ya 374 zilizosumbua wafanyabiashara ambapo Serikali imefikia zaidi ya asilimia 75 ya dhamira yake.

“Kwa mwaka wa fedha 2023/2024 kupitia Sheria ya Fedha jumla ya Sheria na Kanuni 13 na pia Sheria ya Fedha ya mwaka 2023 zimeweza kupunguza na kufuta tozo, ada na faini 67 ikiwa na lengo la Serikali ya awamu ya sita la kuhakikisha mazingira ya biashara kuwa bora zaidi”, ameeleza Mhe. Dkt. Kijaji.    

Mhe. Dkt Kijaji amesisitiza kuwa hakuna uchumi wa nchi unaokua kama hakuna maendeleo katika sekta ya viwanda na ya biashara iliyo imara, Serikali inahakikisha inaboresha mazingira ya ufanyaji biashara ndani na nje ya Tanzania na taasisi za udhibiti hazitumii mamlaka zao kufungia biashara yoyote lengo ni kuhakikisha kuwa sekta ya biashara inalea uchumi wa nchi.

Ameendelea kusema kuwa anatambua kuwa wafanyabiashara wapo mbele zaidi, kwa kuwa dunia haiwezi kutusubiri hivyo kwa kasi hiyo Wizara ya Viwanda na Biashara imeweka dhamira ya kuboresha Sera na Sheria ili zisomane na mabadiliko ya uchumi.

“Tunaangalia uwekezano wa kutoa leseni zote za biashara katika mfumo mmoja wa BRELA kuliko kuwa na mifumo mingi inayotoa huduma za leseni za biashara hii itasaidia uratibu mzuri wa leseni za biashara na Serikali kuwa na kanzi data moja ya taarifa za biashara, tunawaomba mtupe ushirikiano katika hatua hii ili kuwahudumia kwa ufanisi mzuri", ameongeza Mhe.Dkt Kijaji.

Mhe. Dkt. Kijaji amehitimisha kwa kuielekeza BRELA kutumia mkutano huu kama sehemu ya kupokea maoni ya Watanzania, kuboresha na kutumia vema maoni hayo  na kila mwaka mkutano mtakapokutana na wadau hawa muwe na mijadala yenye majibu ya utatuzi wa changamoto zao

Nae Mbunge wa Kahama Mjini, Mhe. Jumanne Kishimba akiongea kwa niaba ya wafanyabiashara walioshiriki mkutano huo amesema wafanyabiashara wengi hukimbilia huduma za BRELA ili kupata huduma za mikopo kutoka taasisi za fedha na kupata zabuni ila wengi hawaelewi tafsiri za kisheria za kampuni, hivyo ameishauri kuweza kuzitafsiri kwa lugha nyepesi ili kuepusha migogoro mbalimbali.  

Awali katika hotuba yake, Afisa Mtendaji Mkuu wa BRELA, Godfrey Nyaisa ameeleza kuwa anatambua kuna sheria nyingi ambazo zimepitwa na wakati na ipo kwenye hatua za maboresho ya sheria mbalimbali kama vile Maboresho ya Sheria ya Viwanda ya mwaka 1967, Maboresho ya Sheria ya Hataza ya Mwaka 1987, Maboresho ya Sheria ya Miliki Bunifu ya Mwaka 1986 na Maboresho ya Sheria ya Kampuni ya Mwaka 2002 ili ziendane na mabadiliko ya Kiteknolojia na ukuaji wa sekta ya biashara.

Akihitimisha Mkutano huo wa Wadau, Mwenyekiti wa Bodi ya Ushauri ya BRELA, Prof. Neema Mori, amehitimisha kwa kuwaahidi wadau kuwa wamepokea maoni yote ya wadau na kuwahakikishia kuwa Bodi itasimamia Taasisi ili kuleta urahisi wa matumizi ya mifumo kuwa kidigitali na itaendelea kusimamia michakato ya kuwepo kwa Sera na maboresho ya sheria mbalimbali.


 

Comments

Post a Comment

Popular posts from this blog

UNAMKUMBUKA AMINA CHIFUPA WA MPAKANJIAA.

Image
Leo ni Miaka Mitano ya Kumbukumbu ya Kifo cha Amina Chifupa Mpakanjia Ilikuwa June 26.2007 tulipompoteza Mh. Amina Chifupa Mpakanjia. Ikiwa pia ni siku ya upigaji vita matumizi ya madawa ya kulevya. Amina leo ametimiza Miaka Mitano sasa tangu alipotutoka na ataendelea kukumbukwa kwa ucheshi wake, mbwembwe zake katika utangazaji wake kupitia kipindi cha Chuchuchu, Kwa raha zetu, Bambataa na Leo tena katika Redio ya Clouds FM. Mpaka anakumbwa na mauti alikuwa Mbunge wa Viti Maalum kupitia Chama Cha Mapinduzi (CCM).Watanzania wataendelea kumuenzi na  atakumbukwa kwa vita yake dhidi ya wauzaji wa dawa ya kulevya. Wakati leo tukimkumbuka Bi. Amina Chifupa, serikali nayo inaadhimisha Siku ya Kupambana na Dawa za kulenya Nchini.                                            Pumzika kwa Amani Amina Chifupa! Chini ni picha za baadhi ya matukio mbalimbali ambayo Amina chifupa aliweza kushikiriki wakati wa Uhai wake. Picha Hizi zilipigwa enzi hizo Amina Chifupa alipenda mich
Read more

Je, wajua kwamba Australia ni bara, nchi na kisiwa?

Image
 Kangaroo hupatikana Australia pekee  Miamba Bahari ya Australia ni mikubwa kuliko yote Duniani na kivutio kwa watalii  Ramani ya Australia Robo tatu ya Waustralia wanaishi katika majiji makubwa na maeneo ya pwani. Fukwe pia ni sehemu za utambulisho wa Australia SAYARI tuishimo yaani dunia ina mabara saba, ambayo tukianzia kwa mtiririko wa bara kubwa hadi dogo ni Asia, Afrika, Amerika Kaskazini, Amerika Kusini, Ulaya, Antarctica na Australia Mbali ya mabara hayo ambayo Antartica ni pekee lisilokaliwa na watu kutokana na kufunikwa na barafu kwa asilimia 89, dunia ina nchi huru kati ya 180 na 195 huku ikiwa na mamia kwa maelfu ya visiwa. Katika makundi hayo matatu, Australia ni pekee duniani iliyobeba sifa zote tatu yaani bara, nchi na kisiwa, kwani nyingi zimeishia kuwa na sifa moja au mbili yaani nchi na au kisiwa. Australia ni bara dogo kuliko yote duniani, lakini pia kisiwa kikubwa kuliko vyote katika sayari hii. Mbali ya sifa hizo mbili pia ni
Read more

KADA MGEJA AHUDHURIA MAZIKO YA MAMA MZAZI WA MWANDISHI MWANDAMIZI WA HABARI KAHAMA

Image
Mwenyekiti wa Taasisi ya Mzalendo Foundation na aliyewahi kuwa Mwenyekiti wa CCM Mkoa wa Shinyanga, Hamis Mgeja (mwenye kibaghalashia), ameungana na familia ya mwandishi mwandamizi wa habari, Mohab Dominick, katika maziko ya mama yake mzazi, Tekra Limi, aliyefariki dunia akiwa na umri wa miaka 91. Maziko hayo yalifanyika katika makaburi ya Kanisa Katoliki Mbulu, katika Manispaa ya Kahama, mkoani Shinyanga. Viongozi mbalimbali wa chama na serikali walihudhuria tukio hilo, wakitoa heshima zao za mwisho kwa marehemu na pole kwa familia iliyoachwa. Akizungumza katika maziko hayo, Mgeja alitoa neno la faraja kwa familia ya Mohab Dominick, akiwatia moyo kuwa Bwana ametoa na Bwana ametwaa, jina lake lihimidiwe.Alisema kuwa ingawa ni kipindi kigumu, wanapaswa kuwa na imani na kumshukuru Mungu kwa kila jambo. Mwenyekiti wa Taasisi ya Mzalendo Foundation na aliyewahi kuwa Mwenyekiti wa CCM Mkoa wa Shinyanga, Hamis Mgeja,  \ameungana na familia ya mwandishi mwandamizi wa habari, Mohab Dominick, k
Read more