MARUFUKU WANANCHI WA VIJIJJ 11 KUFANYA SHUGHULI ZA KIBINADAMU MAENEO YA HIFADHI -DKT MABULA

 

Waziri wa Ardhi Nyumba na Maendeleo ya Makazi Mhe. Dkt Angeline Mabula akizungumza na wananchi wa Kijiji cha Mtepera wilayani Kilwa mkoa wa Lindi wakati Kamati ya Mawaziri wa Wizara ya Kisekta walipotembelea kijiji hicho Desemba 29, 2022. Wa pili kushoto ni Mkuu wa mkoa wa Lindi Zainab Telack.

Sehemu ya wananchi wa kijiji cha Mtepera wilaya ya Kilwa mkoa wa Lindi wakimsikiliza Waziri wa Ardhi Nyumba na Maendeleo ya Makazi (hayupo pichani) wakati Kamati ya Mawaziri wa Wizara ya Kisekta walipotembelea kijiji hicho Desemba 29, 2022 kwa ajili ya utatuzi wa migogoro ya matumizi ya ardhi.

Naibu Waziri wa Maji Meryprisca Mahundi akizungumza na katika Kijiji cha Mtepera wilayani Kilwa mkoa wa Lindi wakati Kamati ya Mawaziri wa Wizara ya Kisekta ilipotembelea kijiji hicho 

Naibu Waziri wa Kilimo Anthony Mavunde akizungumza wakati Kamati ya Mawaziri nane wa Wizara za Kisekta ilipotembelea Kijiji cha Mtepera wilayani Kilwa mkoa wa Lindi 

Naibu Waziri wa Mifugo na Uvuvi Abdallah Ulega akisalimia wananchi wa kijiji cha Mtepera wakati Kamati ya Mawaziri nane wa Wizara za Kisekta ilipotembelea Kijiji hicho 

Mkuu wa mkoa wa Lindi Zainab Telack akizungumza katika mkutano baina ya Mawaziri wa Wizara za Kisekta na wananchi wa kijiji cha Mtepera wilayani Kilwa mkoa wa Lindi tarehe 29 Desemba 2022. (PICHA ZOTE NA WIZARA YA ARDHI)

 @@@@@@@@@@@@@@@@@@

Na Munir Shemweta, WANMM LINDI

Waziri wa Ardhi Nyumba na Maendeleo ya Makazi Mhe Dkt Angeline Mabula amepiga marufuku ufanyaji shughuli za kibinadamu katika maeneo ya hifadhi ya msitu wa Nyengedi na Pori la Akiba la Selous mkoani Lindi.

Dkt Mabula alipiga marufuku hiyo Desemba 29, 2022 wakati akizungumza na wananchi wa kijiji cha Mtepera wilaya ya Kilwa mkoa wa Lindi wakati wa ziara ya kamati ya mawaziri nane wa wizara za kisekta ilipotembelea mkoa wa Lindi ikiwa ni utekelezaji wa Maamuzi ya Baraza la Mawaziri kuhusiana na utatuzi wa migogoro ya matumizi ya ardhi katika vijiji 975.

Uamuzi wa Dkt Mabula anayeongoza timu ya Mawaziri wa Wizara za Kisekta unafuatia maelezo ya mkuu wa mkoa wa Lindi Bi Zainab Telack kuwa, baadhi ya wananchi wamekuwa na tabia ya kufanya shughuli za kibidamu kwenye maeneo ya hifadhi ya msitu wa Nyengedi na Pori  la Akiba la Selous wakati wana maeneo ya kutosha kwa ajili ya shughuli mbalimbali.

Dkt Mabula amevitaja vijiji ambavyo wananchi wake wamekuwa na tabia ya kutoka maeneo yao na kwenda kufanya shughuli za kibinadamu katika eneo la hifadhi kuwa ni Chiodya B, Chiodya A, Mihango, Ntauna, Mnara, Mtakuja, Chikombe na Mkanga vilivyopo hifadhi ya msitu wa Nyengedi.

Vijiji vingine ni Mtepera, Zinga Kibaoni na Kikulyungu vilivyopo Hifadhi ya Pori la Akiba   Selous.

“Kijiji hiki cha Mtepera kina eneo kubwa ambalo halijatumika vizuri, mto matandu ni chanzo cha maji na unaanza kupoteza sifa kwa sababu tu shughuli za kibinadamu ziko karibu, wananchi wa eneo hawastahili kabisa kuwa karibu na vyanzo vya maji”. Alisema Dkt Mabula.

Mapema wakati Kamati ya Mawaziri Nane wa Wizara za Kisekta walipokutana na uongozi wa mkoa wa Lindi, Mkuu wa mkoa huo Zainab Bi Telack alisema katika kushughulikia mogogoro ya matumizi ya ardhi, mkoa wake umebaini baadhi ya wananchi kuingia maeneo ya hifadhi na kufanya shughuli za kibinadamu na kuathiri ecolojia ya eneo la mto Matandu alioueleza kuwa ni mto muhimu na wenye faida kubwa kutokana na kuwa sehemu ya mto umaopeleka maji kwenye mradi mkubwa wa bwawa la Mwl Nyerere Rufiji.

Kwa mujibu wa Telack, mkoa wa Lindi umetenga maeneo kwa ajili ya shughuli mbalimbali ikiwemo ufugaji ambapo aliwataka wananchi wa maeneo hayo kuanza kuchimba marambo na kubaki katika maeneo yaliyotengwa.

Kwa upande wao, Mawaziri wa Maliasili na Utalii Balozi Dkt Pindi Chana, Naibu Waziri wa Maji Meryprisca Mahundi, Naibu Waziri Ofisi ya Makamu wa Rais (Mazingira) Khamis Hamza Chilo, Naibu Waziri wa Kilimo Anthony Mavunde na Naibu Waziri wa Mifugo na Uvuvi Abdallah Ulega walisisitiza umuhimu wa wananchi wanaoishi karibu na hifadhi kuacha kuvamia na kufanya shughuli za kibinadamu kwenye maeneo ya hifadhi kwa kuwa shughuli hizo zinaleta athari za kimazingira ikiwemo kuharibu vyanzo vya maji.

Timu ya Mawaziri nane wa Wizara za kisekta inaendelea na ziara yake ya kutembelea mikoa mbalimbali nchini kwa lengo la kupeleka mrejesho wa Maamuzi ya Baraza la Mawaziri kuhusiana na utatuzi wa migogoro ya Matumizi ya ardhi katika vijiji 975.

Comments

Post a Comment

Popular posts from this blog

UNAMKUMBUKA AMINA CHIFUPA WA MPAKANJIAA.

Image
Leo ni Miaka Mitano ya Kumbukumbu ya Kifo cha Amina Chifupa Mpakanjia Ilikuwa June 26.2007 tulipompoteza Mh. Amina Chifupa Mpakanjia. Ikiwa pia ni siku ya upigaji vita matumizi ya madawa ya kulevya. Amina leo ametimiza Miaka Mitano sasa tangu alipotutoka na ataendelea kukumbukwa kwa ucheshi wake, mbwembwe zake katika utangazaji wake kupitia kipindi cha Chuchuchu, Kwa raha zetu, Bambataa na Leo tena katika Redio ya Clouds FM. Mpaka anakumbwa na mauti alikuwa Mbunge wa Viti Maalum kupitia Chama Cha Mapinduzi (CCM).Watanzania wataendelea kumuenzi na  atakumbukwa kwa vita yake dhidi ya wauzaji wa dawa ya kulevya. Wakati leo tukimkumbuka Bi. Amina Chifupa, serikali nayo inaadhimisha Siku ya Kupambana na Dawa za kulenya Nchini.                                            Pumzika kwa Amani Amina Chifupa! Chini ni picha za baadhi ya matukio mbalimbali ambayo Amina chifupa aliweza kushikiriki wakati wa Uhai wake. Picha Hizi zilipigwa enzi hizo Amina Chifupa alipenda mich
Read more

Je, wajua kwamba Australia ni bara, nchi na kisiwa?

Image
 Kangaroo hupatikana Australia pekee  Miamba Bahari ya Australia ni mikubwa kuliko yote Duniani na kivutio kwa watalii  Ramani ya Australia Robo tatu ya Waustralia wanaishi katika majiji makubwa na maeneo ya pwani. Fukwe pia ni sehemu za utambulisho wa Australia SAYARI tuishimo yaani dunia ina mabara saba, ambayo tukianzia kwa mtiririko wa bara kubwa hadi dogo ni Asia, Afrika, Amerika Kaskazini, Amerika Kusini, Ulaya, Antarctica na Australia Mbali ya mabara hayo ambayo Antartica ni pekee lisilokaliwa na watu kutokana na kufunikwa na barafu kwa asilimia 89, dunia ina nchi huru kati ya 180 na 195 huku ikiwa na mamia kwa maelfu ya visiwa. Katika makundi hayo matatu, Australia ni pekee duniani iliyobeba sifa zote tatu yaani bara, nchi na kisiwa, kwani nyingi zimeishia kuwa na sifa moja au mbili yaani nchi na au kisiwa. Australia ni bara dogo kuliko yote duniani, lakini pia kisiwa kikubwa kuliko vyote katika sayari hii. Mbali ya sifa hizo mbili pia ni
Read more

KADA MGEJA AHUDHURIA MAZIKO YA MAMA MZAZI WA MWANDISHI MWANDAMIZI WA HABARI KAHAMA

Image
Mwenyekiti wa Taasisi ya Mzalendo Foundation na aliyewahi kuwa Mwenyekiti wa CCM Mkoa wa Shinyanga, Hamis Mgeja (mwenye kibaghalashia), ameungana na familia ya mwandishi mwandamizi wa habari, Mohab Dominick, katika maziko ya mama yake mzazi, Tekra Limi, aliyefariki dunia akiwa na umri wa miaka 91. Maziko hayo yalifanyika katika makaburi ya Kanisa Katoliki Mbulu, katika Manispaa ya Kahama, mkoani Shinyanga. Viongozi mbalimbali wa chama na serikali walihudhuria tukio hilo, wakitoa heshima zao za mwisho kwa marehemu na pole kwa familia iliyoachwa. Akizungumza katika maziko hayo, Mgeja alitoa neno la faraja kwa familia ya Mohab Dominick, akiwatia moyo kuwa Bwana ametoa na Bwana ametwaa, jina lake lihimidiwe.Alisema kuwa ingawa ni kipindi kigumu, wanapaswa kuwa na imani na kumshukuru Mungu kwa kila jambo. Mwenyekiti wa Taasisi ya Mzalendo Foundation na aliyewahi kuwa Mwenyekiti wa CCM Mkoa wa Shinyanga, Hamis Mgeja,  \ameungana na familia ya mwandishi mwandamizi wa habari, Mohab Dominick, k
Read more