WAZIRI MKUU DKT . MWIGULU AKUTANA NA MZEE JOSEPH BUTIKU

 


Mwenyekiti wa Bodi ya Wadhamini wa Taasisi ya Mwalimu Nyerere, Mzee Joseph Butiku, akizungumza na Waziri Mkuu, Dkt. Mwigulu Nchemba, wakati wa mazungumzo yaliyofanyika katika Ofisi Ndogo ya Waziri Mkuu, Oysterbay, jijini Dar es Salaam, Julai 20, 2026.
Waziri Mkuu, Dkt. Mwigulu Nchemba, akipokea nyaraka kutoka kwa Mwenyekiti wa Bodi ya Wadhamini wa Taasisi ya Mwalimu Nyerere, Mzee Joseph Butiku, baada ya mazungumzo yao yaliyofanyika katika Ofisi Ndogo ya Waziri Mkuu, Oysterbay, jijini Dar es Salaam, Julai 20, 2026.

Waziri Mkuu, Dkt. Mwigulu Nchemba, akiwa katika picha ya pamoja na Mwenyekiti wa Bodi ya Wadhamini wa Taasisi ya Mwalimu Nyerere, Mzee Joseph Butiku, na ujumbe wake baada ya mazungumzo yaliyofanyika katika Ofisi Ndogo ya Waziri Mkuu, Oysterbay, jijini Dar es Salaam, Julai 20, 2026.

@@@@@@@@@@@@@@@@@@

WAZIRI MKUU AKUTANA NA MZEE JOSEPH BUTIKU

WAZIRI MKUU Dkt. Mwigulu Nchemba amesema maendeleo ya kweli ya Taifa yanategemea kujenga wananchi wenye maadili, uzalendo, uwajibikaji na mshikamano, huku akisisitiza umuhimu wa kuendelea kuimarisha utawala wa sheria na taasisi za umma.

“Hakuna maendeleo ya kudumu bila kujenga watu wenye maadili, uzalendo na uwajibikaji. Kama Taifa tuna kila sababu ya kuendelea kuwekeza katika kujenga tabia ya wananchi pamoja na kuimarisha taasisi zetu,” amesema.

Waziri Mkuu amesema hayo leo (Jumatatu, Julai 20, 2026) alipokutana na Mwenyekiti wa Bodi ya Wadhamini wa Taasisi ya Mwalimu Nyerere, Mzee Joseph Butiku, katika Ofisi ya Waziri Mkuu, Oysterbay, jijini Dar es Salaam.

Katika mazungumzo hayo, Mzee Butiku alimpongeza Rais wa Jamhuri ya Muungano wa Tanzania, Dkt. Samia Suluhu Hassan, kwa uongozi wake na juhudi anazoendelea kuzifanya katika kuiongoza nchi. Pia, alimpongeza Waziri Mkuu kwa mchango wake katika kumsaidia Mheshimiwa Rais kusimamia Serikali na kuhakikisha utekelezaji wa majukumu ya Serikali unaendelea kwa ufanisi. Amesema amekuwa akifuatilia kwa ukaribu ziara za Waziri Mkuu mikoani na kujionea namna zilivyochangia kutatua changamoto za wananchi na kuimarisha utoaji wa huduma.

Aidha, aliishukuru Serikali kwa kuendelea kushirikiana na Taasisi ya Mwalimu Nyerere na kuipatia mazingira mazuri ya kutekeleza majukumu yake, ikiwemo kupata eneo la ujenzi wa Mwalimu Nyerere World Leadership Institute, pamoja na kuitambua Taasisi hiyo kama mshirika wa maendeleo ya Taifa.

Mzee Butiku pia alisisitiza umuhimu wa kuendelea kujenga jamii inayoheshimiana, inayovumiliana na inayozingatia maadili, uzalendo, utawala wa sheria, haki za watu na misingi ya demokrasia. Alisema kumekuwepo na mwenendo wa baadhi ya watu kuwavunjia heshima viongozi, wazee, viongozi wastaafu na viongozi wa dini, jambo ambalo halijengi utaifa wala haliendani na misingi ya Taifa.

Aliongeza kuwa ni muhimu Watanzania wakaendelea kukosoana kwa hoja na kwa kuzingatia sheria, huku kila mmoja akitimiza wajibu wake kwa lengo la kulinda amani, usalama, umoja na mshikamano wa Taifa. Amesema Taasisi ya Mwalimu Nyerere itaendelea kutoa elimu ya amani, maadili na uzalendo kwa manufaa ya Taifa.

Vilevile, Mzee Butiku ameipongeza Serikali kwa hatua inazoendelea kuchukua katika kuimarisha amani, utulivu, haki za watu, Serikali za Mitaa na misingi ya demokrasia. Amesema hatua hizo zimeendelea kuimarisha mshikamano wa Taifa na kurejesha hali ya utulivu nchini. Pia amepongeza hatua ya kuendelea kutoa kipaumbele suala la Katiba Mpya kupitia Ilani ya Chama Cha Mapinduzi ya mwaka 2025–2030.

Kwa upande wake, Waziri Mkuu amesema Serikali itaendelea kuimarisha utawala wa sheria, uwajibikaji, utoaji wa haki na utendaji wa taasisi za umma ili kulinda haki za wananchi na kuimarisha amani na utulivu nchini.

Amesema Serikali itaendelea kuimarisha Serikali za Mitaa na taasisi nyingine za umma ili ziweze kuwahudumia wananchi kwa ufanisi zaidi, sambamba na kuendelea kujenga Taifa linalozingatia maadili, uzalendo, mshikamano na demokrasia.

Aidha, Waziri Mkuu amesisitiza kuwa Serikali itaendelea kushirikiana na Taasisi ya Mwalimu Nyerere katika kukuza maadili, uzalendo, umoja wa kitaifa na maendeleo, ikiwemo kuunga mkono ujenzi wa Mwalimu Nyerere World Leadership Institute (Centre of Excellence).

Comments

Post a Comment

Popular posts from this blog

AJIRA MPYA 41,500 SERIKALINI ZATANGAZWA KATIBU MKUU UTUMISHI JUMA MKOMI

Image
Katibu Mkuu Ofisi ya Rais Menejimenti ya Utumishi wa Umma na Utawala Bora, Juma Mkomi, akizungumza leo na wanahabri kuhusu utoaji wa vibali vya ajira kwa mwaka wa fedha  2024 /2025 na 2025/2026. ambapo alisema Taasisi mbalimbali zinatakiwa kuajili wafanyakazi wapya, hebu iona taarifa kamili ya Katibu huyo  @@@@@@@@@@@@@@@@@@@@@@@@ TAARIFA YA UTOAJI WA VIBALI VYA AJIRA KWA MWAKA WA FEDHA 2024/25 NA MWAKA 2025/26 Jamhuri ya Muungano wa Tanzania, Katika kuhakikisha kuwa Wizara, Idara, Taasisi za Serikali, Sekretarieti za Mikoa na Mamlaka za Serikali za Mitaa zinakuwa na watumishi wa kutosha kutekeleza majukumu yake, Serikali katika kipindi cha miaka miwili ambayo ni mwaka wa fedha 2024/25 na Mwaka 2025/26, iliidhinishwa na Bunge la Jamhuri ya Muungano wa Tanzania nafasi 86,500 za Ajira Mpya. a) MWAKA WA FEDHA 2024/25 Ndugu Wanahabari; Serikali katika mwaka wa fedha 2024/25 ilitoa kibali cha nafasi 45,000 za ajira mpya kwa Taasisi mbalimbali na utekelezaji wake ulianza kuanzi...
Read more

Je, wajua kwamba Australia ni bara, nchi na kisiwa?

Image
 Kangaroo hupatikana Australia pekee  Miamba Bahari ya Australia ni mikubwa kuliko yote Duniani na kivutio kwa watalii  Ramani ya Australia Robo tatu ya Waustralia wanaishi katika majiji makubwa na maeneo ya pwani. Fukwe pia ni sehemu za utambulisho wa Australia SAYARI tuishimo yaani dunia ina mabara saba, ambayo tukianzia kwa mtiririko wa bara kubwa hadi dogo ni Asia, Afrika, Amerika Kaskazini, Amerika Kusini, Ulaya, Antarctica na Australia Mbali ya mabara hayo ambayo Antartica ni pekee lisilokaliwa na watu kutokana na kufunikwa na barafu kwa asilimia 89, dunia ina nchi huru kati ya 180 na 195 huku ikiwa na mamia kwa maelfu ya visiwa. Katika makundi hayo matatu, Australia ni pekee duniani iliyobeba sifa zote tatu yaani bara, nchi na kisiwa, kwani nyingi zimeishia kuwa na sifa moja au mbili yaani nchi na au kisiwa. Australia ni bara dogo kuliko yote duniani, lakini pia kisiwa kikubwa kuliko vyote katika sayari hii. Mbali ya sifa hiz...
Read more

WALIOPITA KURA ZA MAONI CCM HAWA HAPA

Image
 TAARIFA KWA UMMA UTEUZI WA AWALI WA WANACHAMA WA CHAMA CHA MAPINDUZI (CCM) WATAKAOSHIRIKI KATIKA ZOEZI LA KURA ZA MAONI KWA NAFASI ZA UBUNGE NA UJUMBE WA BARAZA LA WAWAKILISHI Kamati Kuu ya Halmashauri ya Chama Cha Mapinduzi (CCM) Taifa, katika kikao chake kilichofanyika tarehe 28 Julai, 2025 Jijini Dodoma, pamoja na mambo mengine, imepitia na kujadili majina ya wanachama wake walioomba kupendekezwa katika mchakato wa kura za maoni ndani ya CCM. Kwa kuzingatia mamlaka iliyopewa chini ya Ibara ya 105 (7)(f) ya Katiba ya CCM ya Mwaka 1977 Toleo la Julai 2025, Kamati Kuu imefanya uteuzi wa majina ya wanachama wafuatao, ambao watapigiwa kura za maoni kwa mujibu wa Kanuni na Kalenda za Chama Cha Mapinduzi. 1) MKOA WA ARUSHA (i) Jimbo la Arusha Mjini (1) Ndugu Ally Said BABU (2) Ndugu Hussein Omarhajji GONGA (3) Ndugu Aminatha Salash TOURE (4) Ndugu Mustapha Said NASSORO (5) Ndugu Paul Christian MAKONDA (6) Ndugu Lwembo Mkwavi MGHWENO (7) Ndugu Jasper Augustino KISHUMBUA (ii) Jimbo la A...
Read more