SERIKALI YAWASILISHA MPANGO WA GRIDI YA TAIFA YA MAJI COP 30

 

Serikali ya Jamhuri ya Muungano wa Tanzania imewasilisha Mpango wa Gridi ya Taifa ya Maji katika Mkutano wa 30 wa Nchi Wanachama wa Mkataba wa Kukabiliana na Mabadiliko ya Tabianchi (COP 30) unaofanyika jijini Belem, nchini Brazil.

Gridi ya Taifa ya Maji ni Mkakati wa Taifa uliopo katika Dira ya Taifa ya Maendeleo 2050, wenye lengo la kuhakikisha upatikanaji wa huduma endelevu ya maji kwa jamii, viwanda, kilimo, mifugo na mazingira, ikiwa ni sehemu ya jitihada za kukabiliana na mabadiliko ya tabianchi.

Akizungumza wakati wa uzinduzi wa wasilisho hilo, Naibu Katibu Mkuu (Muungano), Ofisi ya Makamu wa Rais, Bw. Abdallah Hassan Mitawi, amesema mpango huo wa Gridi ya Taifa ya Maji utasaidia kutatua changamoto za upatikanaji wa huduma hiyo kwa kuwa na vyanzo vya uhakika kutoka Maziwa Makuu na mito mikubwa.

Amebainisha kuwa Tanzania ni kinara wa ajenda ya maji Afrika kupitia uwekezaji wa miradi mikubwa ya maji inayotekelezwa na Serikali ili kukabiliana na uhaba wa huduma hiyo muhimu kwa binadamu.

Akiendelea kuzungumza, Bw. Mitawi amesema kuwa pamoja na mambo mbalimbali, Gridi ya Taifa ya Maji itasaidia kuwezesha ukuaji wa uchumi na kuhakikisha huduma za maji zinakuwa endelevu na za uhakika.

Aidha, Naibu Katibu Mkuu Mitawi amesema kuwa Serikali itaendelea kushirikisha washirika wa maendeleo kutoka sekta binafsi na asasi za kiraia ili kuhakikisha maandalizi ya Gridi ya Taifa ya Maji yanakamilika kama ilivyopangwa.

Kwa mantiki hiyo, amesema kuwa ni wajibu wa kila mmoja kulinda vyanzo vya maji vikiwemo maziwa ya Victoria, Nyasa na Tanganyika pamoja na mito, ili kuhakikisha usalama wa maji unabaki kuwa endelevu wakati wote.

Alitumia nafasi hiyo kuwashukuru washirika wa maendeleo kama Shirika la Kimataifa la WaterAid, NDC Partners na Shirika la Umoja wa Mataifa la Watoto (UNICEF) kwa kushirikiana na Serikali katika kuboresha huduma za maji kwa wananchi.

Kwa upande wake, Mwakilishi wa Mkurugenzi wa WaterAid Tanzania, Bi. Manka Mushi, amesema mpango wa Gridi ya Taifa ya Maji unaendana na mikakati ya Serikali ya kutatua changamoto ya upungufu wa maji.

Hivyo, alibainisha kuwa upatikanaji wa maji ya uhakika si tu unamaliza changamoto ya huduma hiyo, bali unaimarisha sekta mbalimbali zikiwemo kilimo, uvuvi, nishati, viwanda, afya na elimu.

Bi. Manka ameipongeza Serikali ya Jamhuri ya Muungano wa Tanzania kwa jitihada za kuanzisha Gridi ya Taifa ya Maji, mpango ambao utasaidia kupunguza changamoto ya uhaba wa upatikanaji wa huduma hiyo muhimu.

Itakumbukwa kuwa Machi 22, 2025, wakati wa Maadhimisho ya Siku ya Maji Duniani, Rais wa Jamhuri ya Muungano wa Tanzania, Mhe. Dkt. Samia Suluhu Hassan, alielekeza kuanzishwa kwa Gridi ya Taifa ya Maji ili huduma hiyo iweze kufika katika maeneo yote nchini. Aidha, wakati akifungua Bunge la 13, amesisitiza utekelezaji wa Gridi ya Taifa ya Maji kukamilika ifikapo mwaka 2030.   

Comments

Post a Comment

Popular posts from this blog

WALIOPITA KURA ZA MAONI CCM HAWA HAPA

Image
 TAARIFA KWA UMMA UTEUZI WA AWALI WA WANACHAMA WA CHAMA CHA MAPINDUZI (CCM) WATAKAOSHIRIKI KATIKA ZOEZI LA KURA ZA MAONI KWA NAFASI ZA UBUNGE NA UJUMBE WA BARAZA LA WAWAKILISHI Kamati Kuu ya Halmashauri ya Chama Cha Mapinduzi (CCM) Taifa, katika kikao chake kilichofanyika tarehe 28 Julai, 2025 Jijini Dodoma, pamoja na mambo mengine, imepitia na kujadili majina ya wanachama wake walioomba kupendekezwa katika mchakato wa kura za maoni ndani ya CCM. Kwa kuzingatia mamlaka iliyopewa chini ya Ibara ya 105 (7)(f) ya Katiba ya CCM ya Mwaka 1977 Toleo la Julai 2025, Kamati Kuu imefanya uteuzi wa majina ya wanachama wafuatao, ambao watapigiwa kura za maoni kwa mujibu wa Kanuni na Kalenda za Chama Cha Mapinduzi. 1) MKOA WA ARUSHA (i) Jimbo la Arusha Mjini (1) Ndugu Ally Said BABU (2) Ndugu Hussein Omarhajji GONGA (3) Ndugu Aminatha Salash TOURE (4) Ndugu Mustapha Said NASSORO (5) Ndugu Paul Christian MAKONDA (6) Ndugu Lwembo Mkwavi MGHWENO (7) Ndugu Jasper Augustino KISHUMBUA (ii) Jimbo la A...
Read more

Je, wajua kwamba Australia ni bara, nchi na kisiwa?

Image
 Kangaroo hupatikana Australia pekee  Miamba Bahari ya Australia ni mikubwa kuliko yote Duniani na kivutio kwa watalii  Ramani ya Australia Robo tatu ya Waustralia wanaishi katika majiji makubwa na maeneo ya pwani. Fukwe pia ni sehemu za utambulisho wa Australia SAYARI tuishimo yaani dunia ina mabara saba, ambayo tukianzia kwa mtiririko wa bara kubwa hadi dogo ni Asia, Afrika, Amerika Kaskazini, Amerika Kusini, Ulaya, Antarctica na Australia Mbali ya mabara hayo ambayo Antartica ni pekee lisilokaliwa na watu kutokana na kufunikwa na barafu kwa asilimia 89, dunia ina nchi huru kati ya 180 na 195 huku ikiwa na mamia kwa maelfu ya visiwa. Katika makundi hayo matatu, Australia ni pekee duniani iliyobeba sifa zote tatu yaani bara, nchi na kisiwa, kwani nyingi zimeishia kuwa na sifa moja au mbili yaani nchi na au kisiwa. Australia ni bara dogo kuliko yote duniani, lakini pia kisiwa kikubwa kuliko vyote katika sayari hii. Mbali ya sifa hiz...
Read more

UNAMKUMBUKA AMINA CHIFUPA WA MPAKANJIAA.

Image
Leo ni Miaka Mitano ya Kumbukumbu ya Kifo cha Amina Chifupa Mpakanjia Ilikuwa June 26.2007 tulipompoteza Mh. Amina Chifupa Mpakanjia. Ikiwa pia ni siku ya upigaji vita matumizi ya madawa ya kulevya. Amina leo ametimiza Miaka Mitano sasa tangu alipotutoka na ataendelea kukumbukwa kwa ucheshi wake, mbwembwe zake katika utangazaji wake kupitia kipindi cha Chuchuchu, Kwa raha zetu, Bambataa na Leo tena katika Redio ya Clouds FM. Mpaka anakumbwa na mauti alikuwa Mbunge wa Viti Maalum kupitia Chama Cha Mapinduzi (CCM).Watanzania wataendelea kumuenzi na  atakumbukwa kwa vita yake dhidi ya wauzaji wa dawa ya kulevya. Wakati leo tukimkumbuka Bi. Amina Chifupa, serikali nayo inaadhimisha Siku ya Kupambana na Dawa za kulenya Nchini.                                          ...
Read more