MGEJA ASEMA URAIS SI MAJARIBIO, DKT. SAMIA ANATOSHA

 

Na Mwandishi Wetu, Kahama na Nzega

Kada wa Chama Cha Mapinduzi (CCM) na mwanasiasa mkongwe nchini, Ndugu Khamisi Mgeja (anayeongea pichani), amewatahadharisha Watanzania kutofanya makosa kwa kuchagua wagombea wa urais wasiokuwa na uzoefu wa kiuongozi na ambao hawajawahi kufanya kazi yoyote ya serikali, hata katika ngazi za mitaa, akisema kufanya hivyo ni kosa la kujitakia.

Mgeja alikumbusha usia wa Baba wa Taifa, Mwalimu Julius Kambarage Nyerere, aliyewahi kusema kuwa kiongozi bora wa nchi hii hatatoka nje ya CCM, bali atatoka ndani ya CCM. Amesema kuwa kiongozi huyo si mwingine bali ni Dkt. Samia Suluhu Hassan, ambaye ni chaguo sahihi la Watanzania.

Mgeja alitoa kauli hiyo katika mikutano ya kampeni iliyofanyika katika maeneo mbalimbali ya Wilaya ya Nzega mkoani Tabora na Wilaya ya Kahama mkoani Shinyanga, alipokuwa akinadi wagombea wa ubunge akiwemo Hussein Bashe (Nzega) na Benjamini Ng’ayiwa (Kahama Mjini).

Akiwa katika vijiji vya Nyanhembe na Ufala wilayani Kahama, Mgeja aliwaomba wananchi wa Jimbo la Kahama Mjini kumpigia kura za kishindo mgombea urais wa CCM, Dkt. Samia Suluhu Hassan, pamoja na mgombea ubunge Benjamini Ng’ayiwa na mgombea udiwani Betha Daud.

Amesema Watanzania wana kila sababu ya kumuunga mkono Dkt. Samia kwa sababu amefanya mambo makubwa ya kimaendeleo katika sekta zote nchini. “Dkt. Samia ameleta mafanikio makubwa yanayoonekana kwa macho. Tunawajibu wa kumlipa kwa kura za heshima na kishindo tarehe 29 mwezi huu,” alisema Mgeja.

Aidha, alimwelezea Ng’ayiwa kuwa ni kijana mwenye ari kubwa ya kuwatumikia wananchi wa Kahama, akiwataka wamchague ili aendelee kuleta maendeleo katika jimbo hilo.

Akiwa wilayani Nzega, Mgeja alimiminia sifa kemkem mgombea urais Dkt. Samia Suluhu Hassan, akisema utendaji wake bora umejidhihirisha kupitia miradi mikubwa ya maendeleo iliyoanzishwa na kukamilishwa katika kipindi kifupi. “Dkt. Samia ni mama muungwana, mchapa kazi, mwenye maono makubwa, mwadilifu, mpenda maendeleo na mwenye upendo wa dhati kwa wananchi wake,” alisema.

Ameongeza kuwa chini ya uongozi wake wa awamu ya sita, maendeleo yamekuwa yakionekana kama uyoga, na kwamba Watanzania wajiandae kuona mambo makubwa zaidi katika miaka ijayo.

Kuhusu Mgombea Ubunge wa Jimbo la Nzega, Hussein Bashe, Mgeja aliwapongeza wana CCM na wananchi kwa kuendelea kumuunga mkono, akisema ni kiongozi mchapa kazi, mwenye maono makubwa, na mchango wake katika Wizara ya Kilimo umeleta mabadiliko makubwa nchini. “Wananzega mna kila sababu ya kumuunga mkono na kumlinda kama mboni ya jicho. Hakikisheni tarehe 29 mwezi huu mnampigia kura za heshima na kishindo ili aendelee kuwatumikia wananchi wa Nzega na taifa kwa ujumla,” alisema.

Akihitimisha, Mgeja aliwataka Watanzania kudumisha umoja na mshikamano, akisema taifa lipo imara chini ya uongozi wa Rais Dkt. Samia Suluhu Hassan licha ya kuwepo kwa kikundi kidogo cha watu wanaotumika kujaribu kuvuruga amani. “Mama yetu Rais Dkt. Samia yuko imara kuhakikisha nchi inaendelea kuwa na amani, umoja na mshikamano wa kitaifa. Wale wanaojaribu kuleta chokochoko wajue hawawezi kutugawa Watanzania,” alisisitiza.

Mgeja aliwataka Watanzania kujitokeza kwa wingi tarehe 29 Oktoba kupiga kura bila hofu, akisema taifa liko katika mikono salama chini ya uongozi thabiti na shupavu wa Rais Dkt. Samia Suluhu Hassan.  

Comments

Post a Comment

Popular posts from this blog

WALIOPITA KURA ZA MAONI CCM HAWA HAPA

Image
 TAARIFA KWA UMMA UTEUZI WA AWALI WA WANACHAMA WA CHAMA CHA MAPINDUZI (CCM) WATAKAOSHIRIKI KATIKA ZOEZI LA KURA ZA MAONI KWA NAFASI ZA UBUNGE NA UJUMBE WA BARAZA LA WAWAKILISHI Kamati Kuu ya Halmashauri ya Chama Cha Mapinduzi (CCM) Taifa, katika kikao chake kilichofanyika tarehe 28 Julai, 2025 Jijini Dodoma, pamoja na mambo mengine, imepitia na kujadili majina ya wanachama wake walioomba kupendekezwa katika mchakato wa kura za maoni ndani ya CCM. Kwa kuzingatia mamlaka iliyopewa chini ya Ibara ya 105 (7)(f) ya Katiba ya CCM ya Mwaka 1977 Toleo la Julai 2025, Kamati Kuu imefanya uteuzi wa majina ya wanachama wafuatao, ambao watapigiwa kura za maoni kwa mujibu wa Kanuni na Kalenda za Chama Cha Mapinduzi. 1) MKOA WA ARUSHA (i) Jimbo la Arusha Mjini (1) Ndugu Ally Said BABU (2) Ndugu Hussein Omarhajji GONGA (3) Ndugu Aminatha Salash TOURE (4) Ndugu Mustapha Said NASSORO (5) Ndugu Paul Christian MAKONDA (6) Ndugu Lwembo Mkwavi MGHWENO (7) Ndugu Jasper Augustino KISHUMBUA (ii) Jimbo la A...
Read more

Je, wajua kwamba Australia ni bara, nchi na kisiwa?

Image
 Kangaroo hupatikana Australia pekee  Miamba Bahari ya Australia ni mikubwa kuliko yote Duniani na kivutio kwa watalii  Ramani ya Australia Robo tatu ya Waustralia wanaishi katika majiji makubwa na maeneo ya pwani. Fukwe pia ni sehemu za utambulisho wa Australia SAYARI tuishimo yaani dunia ina mabara saba, ambayo tukianzia kwa mtiririko wa bara kubwa hadi dogo ni Asia, Afrika, Amerika Kaskazini, Amerika Kusini, Ulaya, Antarctica na Australia Mbali ya mabara hayo ambayo Antartica ni pekee lisilokaliwa na watu kutokana na kufunikwa na barafu kwa asilimia 89, dunia ina nchi huru kati ya 180 na 195 huku ikiwa na mamia kwa maelfu ya visiwa. Katika makundi hayo matatu, Australia ni pekee duniani iliyobeba sifa zote tatu yaani bara, nchi na kisiwa, kwani nyingi zimeishia kuwa na sifa moja au mbili yaani nchi na au kisiwa. Australia ni bara dogo kuliko yote duniani, lakini pia kisiwa kikubwa kuliko vyote katika sayari hii. Mbali ya sifa hiz...
Read more

UNAMKUMBUKA AMINA CHIFUPA WA MPAKANJIAA.

Image
Leo ni Miaka Mitano ya Kumbukumbu ya Kifo cha Amina Chifupa Mpakanjia Ilikuwa June 26.2007 tulipompoteza Mh. Amina Chifupa Mpakanjia. Ikiwa pia ni siku ya upigaji vita matumizi ya madawa ya kulevya. Amina leo ametimiza Miaka Mitano sasa tangu alipotutoka na ataendelea kukumbukwa kwa ucheshi wake, mbwembwe zake katika utangazaji wake kupitia kipindi cha Chuchuchu, Kwa raha zetu, Bambataa na Leo tena katika Redio ya Clouds FM. Mpaka anakumbwa na mauti alikuwa Mbunge wa Viti Maalum kupitia Chama Cha Mapinduzi (CCM).Watanzania wataendelea kumuenzi na  atakumbukwa kwa vita yake dhidi ya wauzaji wa dawa ya kulevya. Wakati leo tukimkumbuka Bi. Amina Chifupa, serikali nayo inaadhimisha Siku ya Kupambana na Dawa za kulenya Nchini.                                          ...
Read more