HOSPITALI YA BENJAMINI MKAPA YAZINDUA SAFARI YA MAADHIMISHO YA MIAKA 10

BMH  YAZINDUA SAFARI YA MAADHIMISHO YA MIAKA 10 YA HUDUMA ZA TIBA, NA YATAKIWA KUENDELEA KUWA KITOVU CHA  UBUNIFU WA HUDUMA BORA NA UTALII WA MATIBABU. 

Na Ludovick Kazoka, Dodoma. Oktoba 13, 2025

Hospitali ya Benjamin Mkapa (BMH) leo imetimiza miaka 10 ya huduma, ikitakiwa kuwa tumaini jipya la kitovu cha ubunifu wa huduma bora za matibabu na utalii wa matibabu kutokana na uwekezaji mkubwa wa zaidi ya Tsh Billion 230 uliowekwa na serikali katika Hospitali hiyo.


Wito huo umetolewa na Mkuu wa Mkoa wa Dodoma (RC) wakati wa uzinduzi wa maadhimisho hayo, Mhe. Rosemary Senyamule, akisema BMH imekuwa tumaini la waaliokata tamaa na magonjwa makubwa.

"Hospitali hii imekuwa ni alama ya mafanikio ya mkoa na Taifa kwa ujumla," amesema Mkuu wa Mkoa baada ya kukata utepe kuashiria uzinduzi wa maadhimisho ya miaka 10 ya kutoa huduma shughuli ambayo itahitimishwa mwezi Februari, mwakani.

Shughuli hii inaambatana na kutoa huduma bure za vipimo na matibabu katika viwanja vya vya Nyerere Square.

RC Senyamule amepongeza Serikali kwa kufanya mapinduzi makubwa ya kuimarisha huduma katika Hospitali hii ya Rufaa ya Kanda ya Kati.

"Hospitali sasa inatoa huduma za ubingwa wa juu 17 na huduma za ubingwa bobezi 20. Huduma hizi zimeokoa sana fedha za kigeni ambazo Serikali ingetumia kwa ajili ya rufaa za nje ya nchi," amesema Bi Senyamule.

Mkuu wa Mkoa pia ametumia fursa hiyo kuipongeza Hospitali ya Benjamin Mkapa kwa kutoa wauguzi bora wa mwaka kwa mara ya pili mfululizo mwaka uliopita na mwaka huu.

"BMH imekuwa ni moja ya taasisi mahiri za afya nchini na kuleta maendeleo chanya katika sekta ya afya nchini," ameongeza Bi Senyamule.

Kwa upande wake, Mkurugenzi Mtendaji wa BMH, Prof Abel Makubi, mpaka sasa BMH imehudumia wananchi 1.6m toka ianzishwe 2015.

"Kwa sasa, tunahudumia wananchi wagonjwa 1000 mpaka 1200 kwa siku.

"Dhamira yetu sasa ni kuwa Hospitali ya pili ya Taifa," amesema Mkurugenzi Mtendaji wa Hospitali.


Prof Makubi ameelezea mafanikio makubwa ambayo Hospitali imeyapata kwa muda wa miaka 10 kuwa ni pamoja upandikizaji wa figo kwa wagonjwa 54 na upandikizaji wa uloto kwa watoto 21.

"Tunamshukuru Mheshimiwa Samia Suluhu Hassan, Rais wa Jamhuri ya Muungano wa Tanzania kwa kugharamia  75% za gharama za matibabu ya selimundu kwa watoto waliokuwa na Selimundu," amesema.

Prof Makubi ameongeza pia kuwa Hospitali imeimarisha huduma kwa  kupunguza mizunguko ya kupata huduma  na kuboresha huduma kwa jamii.

"Hospitali imechaguliwa kuwa Hospitali bora ya Rufaa ya Kanda kwa mwaka huu. Muelekeo ni kuwa Hospitali ya pili ya Taifa na kuwa Kituo cha Tiba Utalii nchini," amesema.


Aidha Mkuu wa Wilaya ya Dodoma, Mhe Jabiri Shekimweri, ameipongeza BMH kuunganisha maono ya Mkoa na Hospitali ya kuifanya kuwa Kituo cha Tiba Utalii.


"BMH imejiunganisha na maono ya Mkoa kuwa Kituo cha Tiba Utalii. Hii ni ishara ya huduma bora zinazotolewa Hospitalini  hapo," ameongeza Mhe. Shekimweri.

 

Comments

Post a Comment

Popular posts from this blog

UNAMKUMBUKA AMINA CHIFUPA WA MPAKANJIAA.

Image
Leo ni Miaka Mitano ya Kumbukumbu ya Kifo cha Amina Chifupa Mpakanjia Ilikuwa June 26.2007 tulipompoteza Mh. Amina Chifupa Mpakanjia. Ikiwa pia ni siku ya upigaji vita matumizi ya madawa ya kulevya. Amina leo ametimiza Miaka Mitano sasa tangu alipotutoka na ataendelea kukumbukwa kwa ucheshi wake, mbwembwe zake katika utangazaji wake kupitia kipindi cha Chuchuchu, Kwa raha zetu, Bambataa na Leo tena katika Redio ya Clouds FM. Mpaka anakumbwa na mauti alikuwa Mbunge wa Viti Maalum kupitia Chama Cha Mapinduzi (CCM).Watanzania wataendelea kumuenzi na  atakumbukwa kwa vita yake dhidi ya wauzaji wa dawa ya kulevya. Wakati leo tukimkumbuka Bi. Amina Chifupa, serikali nayo inaadhimisha Siku ya Kupambana na Dawa za kulenya Nchini.                                          ...
Read more

Je, wajua kwamba Australia ni bara, nchi na kisiwa?

Image
 Kangaroo hupatikana Australia pekee  Miamba Bahari ya Australia ni mikubwa kuliko yote Duniani na kivutio kwa watalii  Ramani ya Australia Robo tatu ya Waustralia wanaishi katika majiji makubwa na maeneo ya pwani. Fukwe pia ni sehemu za utambulisho wa Australia SAYARI tuishimo yaani dunia ina mabara saba, ambayo tukianzia kwa mtiririko wa bara kubwa hadi dogo ni Asia, Afrika, Amerika Kaskazini, Amerika Kusini, Ulaya, Antarctica na Australia Mbali ya mabara hayo ambayo Antartica ni pekee lisilokaliwa na watu kutokana na kufunikwa na barafu kwa asilimia 89, dunia ina nchi huru kati ya 180 na 195 huku ikiwa na mamia kwa maelfu ya visiwa. Katika makundi hayo matatu, Australia ni pekee duniani iliyobeba sifa zote tatu yaani bara, nchi na kisiwa, kwani nyingi zimeishia kuwa na sifa moja au mbili yaani nchi na au kisiwa. Australia ni bara dogo kuliko yote duniani, lakini pia kisiwa kikubwa kuliko vyote katika sayari hii. Mbali ya sifa hiz...
Read more

KADA MGEJA AHUDHURIA MAZIKO YA MAMA MZAZI WA MWANDISHI MWANDAMIZI WA HABARI KAHAMA

Image
Mwenyekiti wa Taasisi ya Mzalendo Foundation na aliyewahi kuwa Mwenyekiti wa CCM Mkoa wa Shinyanga, Hamis Mgeja (mwenye kibaghalashia), ameungana na familia ya mwandishi mwandamizi wa habari, Mohab Dominick, katika maziko ya mama yake mzazi, Tekra Limi, aliyefariki dunia akiwa na umri wa miaka 91. Maziko hayo yalifanyika katika makaburi ya Kanisa Katoliki Mbulu, katika Manispaa ya Kahama, mkoani Shinyanga. Viongozi mbalimbali wa chama na serikali walihudhuria tukio hilo, wakitoa heshima zao za mwisho kwa marehemu na pole kwa familia iliyoachwa. Akizungumza katika maziko hayo, Mgeja alitoa neno la faraja kwa familia ya Mohab Dominick, akiwatia moyo kuwa Bwana ametoa na Bwana ametwaa, jina lake lihimidiwe.Alisema kuwa ingawa ni kipindi kigumu, wanapaswa kuwa na imani na kumshukuru Mungu kwa kila jambo. Mwenyekiti wa Taasisi ya Mzalendo Foundation na aliyewahi kuwa Mwenyekiti wa CCM Mkoa wa Shinyanga, Hamis Mgeja,  \ameungana na familia ya mwandishi mwandamizi wa habari, Mohab Dominic...
Read more