Maafisa Habari Kupewa Mbinu za Kisasa Utangazaji Shughuli za Serikali


Katibu Mkuu Wizara ya Habari, Utamaduni, Sanaa na Michezo na Msemaji Mkuu wa Serikali Gerson Msigwa akiwasilisha mada juu ya umuhimu wa mawasiliano ya kimkakati kwa Maafisa habari wa Serikali katika Kikao kazi cha 20 cha Maafisa habari hao kinachoendelea katika Ukumbi wa Hoteli ya Amaan, Zanzibar leo tarehe 4 Aprili 2025



Na Jacquiline Mrisho - MAELEZO

Waziri wa Habari, Utamaduni, Sanaa na Michezo, Mhe. Prof. Palamagamba Kabudi amesema mada mbalimbali zitakazojadiliwa katika Kikao kazi cha 20 cha Maafisa Habari, Uhusiano, Mawasiliano na Itifaki wa Serikali, zitawaongezea uelewa na mbinu za kisasa za kutangaza shughuli za serikali pamoja na namna bora ya kukabiliana na upotoshaji unaofanywa kwa makusudi na baadhi ya watu.

Mhe. Prof. Kabudi ameyasema hayo Aprili 3, 2025 wakati wa ufunguzi wa Kikao kazi cha 20 cha Maafisa Habari, Mawasiliano, Uhusiano na Itifaki kilichofunguliwa na Makamu wa Pili wa Rais wa Zanzibar, Mhe. Hemed Suleiman Abdulla katika ukumbi wa New Amaan Hotel Zanzibar.

Prof. Kabudi amemshukuru Mhe. Dkt. Hussein Ali Mwinyi, Rais wa Zanzibar na Mwenyekiti wa Baraza la Mapinduzi kwa kuridhia Kikao kazi hicho cha 20 cha Maafisa Habari, Mawasiliano na Uhusiano wa Serikali kufanyika Zanzibar akieleza kuwa ni fursa kubwa kwa Maafisa hao kukutana na wenzao wa Zanzibar kwa lengo la kujadiliana, kujifunza na kubadilishana uzoefu ili kuwafikishia wananchi habari sahihi za utekelezaji wa shughuli za Serikali.

"Katika Kikao kazi hiki, kutakuwa na mada mbalimbali zitakazowasilishwa na kujadiliwa kwa kina kwa lengo la kuwaongezea Maafisa Habari uelewa na mbinu za kisasa za kutangaza shughuli za utekelezaji wa Serikali lakini pia mbinu na namna bora ya kukabiliana na majanga pamoja na upotoshaji wa taarifa unaofanywa kwa makusudi na watu wasiokuwa na nia njema na Serikali yetu", amesema Prof. Kabudi.

Amezitaja baadhi ya mada zitakazowasilishwa katika kikao kazi hicho kuwa ni Kuelekea Uchaguzi Mkuu wa Rais, Wabunge na Madiwani: Uzoefu wa Vyombo vya Habari na Utangazaji katika kufanikisha chaguzi zilizopita; Wajibu wa Jeshi la Polisi katika kufanikisha Uchaguzi Mkuu na kuhakikisha usalama wa wananchi na waandishi wa habari watakaoshiriki kwenye kuandika habari za uchaguzi pamoja na Mwongozo wa Vyombo vya Habari na Waandishi wakati wa Uchaguzi.

Mada nyingine ni Wajibu wa Maafisa Habari kutoa taarifa za maendeleo kupitia vyombo vya habari; Fursa zilizopo Shirika la Utangazaji Tanzania (TBC) katika kutangaza habari za Maendeleo; Matumizi ya Takwimu katika Uandishi wa Habari za Uchaguzi na Afya ya Moyo na namna ya kujikinga na magonjwa yasiyoambukizwa.

Mawasiliano ya Kimkakati ndani ya Serikali; Wajibu wa Vitengo vya Mawasiliano Serikalini katika kutangaza miradi ya maendeleo inyotekelezwa na Serikali; Matumizi ya teknolojia inayoibukia kama Akili Unde na “Big Data” katika kufikisha taarifa kwa Umma na kukabiliana na upotoshaji na matumizi ya mitandao ya kijamii katika mawasiliano ya Serikali.

Fauka ya hayo, Mhe. Prof. Kabudi amesema washiriki wa kikao kazi hicho watapata fursa ya kwenda kushiriki matendo ya kurejesha kwa jamii kwa kupanda miti 2000 katika msitu wa Muyuni-Jambiani uliopo Mkoa wa Kusini Unguja lengo likiwa ni kuunga mkono juhudi zinazoendelea kufanywa na Serikali katika kuhifadhi mazingira ili kukabiliana na mabadiliko ya tabianchi.

Comments

Post a Comment

Popular posts from this blog

UNAMKUMBUKA AMINA CHIFUPA WA MPAKANJIAA.

Image
Leo ni Miaka Mitano ya Kumbukumbu ya Kifo cha Amina Chifupa Mpakanjia Ilikuwa June 26.2007 tulipompoteza Mh. Amina Chifupa Mpakanjia. Ikiwa pia ni siku ya upigaji vita matumizi ya madawa ya kulevya. Amina leo ametimiza Miaka Mitano sasa tangu alipotutoka na ataendelea kukumbukwa kwa ucheshi wake, mbwembwe zake katika utangazaji wake kupitia kipindi cha Chuchuchu, Kwa raha zetu, Bambataa na Leo tena katika Redio ya Clouds FM. Mpaka anakumbwa na mauti alikuwa Mbunge wa Viti Maalum kupitia Chama Cha Mapinduzi (CCM).Watanzania wataendelea kumuenzi na  atakumbukwa kwa vita yake dhidi ya wauzaji wa dawa ya kulevya. Wakati leo tukimkumbuka Bi. Amina Chifupa, serikali nayo inaadhimisha Siku ya Kupambana na Dawa za kulenya Nchini.                                          ...
Read more

Je, wajua kwamba Australia ni bara, nchi na kisiwa?

Image
 Kangaroo hupatikana Australia pekee  Miamba Bahari ya Australia ni mikubwa kuliko yote Duniani na kivutio kwa watalii  Ramani ya Australia Robo tatu ya Waustralia wanaishi katika majiji makubwa na maeneo ya pwani. Fukwe pia ni sehemu za utambulisho wa Australia SAYARI tuishimo yaani dunia ina mabara saba, ambayo tukianzia kwa mtiririko wa bara kubwa hadi dogo ni Asia, Afrika, Amerika Kaskazini, Amerika Kusini, Ulaya, Antarctica na Australia Mbali ya mabara hayo ambayo Antartica ni pekee lisilokaliwa na watu kutokana na kufunikwa na barafu kwa asilimia 89, dunia ina nchi huru kati ya 180 na 195 huku ikiwa na mamia kwa maelfu ya visiwa. Katika makundi hayo matatu, Australia ni pekee duniani iliyobeba sifa zote tatu yaani bara, nchi na kisiwa, kwani nyingi zimeishia kuwa na sifa moja au mbili yaani nchi na au kisiwa. Australia ni bara dogo kuliko yote duniani, lakini pia kisiwa kikubwa kuliko vyote katika sayari hii. Mbali ya sifa hiz...
Read more

KADA MGEJA AHUDHURIA MAZIKO YA MAMA MZAZI WA MWANDISHI MWANDAMIZI WA HABARI KAHAMA

Image
Mwenyekiti wa Taasisi ya Mzalendo Foundation na aliyewahi kuwa Mwenyekiti wa CCM Mkoa wa Shinyanga, Hamis Mgeja (mwenye kibaghalashia), ameungana na familia ya mwandishi mwandamizi wa habari, Mohab Dominick, katika maziko ya mama yake mzazi, Tekra Limi, aliyefariki dunia akiwa na umri wa miaka 91. Maziko hayo yalifanyika katika makaburi ya Kanisa Katoliki Mbulu, katika Manispaa ya Kahama, mkoani Shinyanga. Viongozi mbalimbali wa chama na serikali walihudhuria tukio hilo, wakitoa heshima zao za mwisho kwa marehemu na pole kwa familia iliyoachwa. Akizungumza katika maziko hayo, Mgeja alitoa neno la faraja kwa familia ya Mohab Dominick, akiwatia moyo kuwa Bwana ametoa na Bwana ametwaa, jina lake lihimidiwe.Alisema kuwa ingawa ni kipindi kigumu, wanapaswa kuwa na imani na kumshukuru Mungu kwa kila jambo. Mwenyekiti wa Taasisi ya Mzalendo Foundation na aliyewahi kuwa Mwenyekiti wa CCM Mkoa wa Shinyanga, Hamis Mgeja,  \ameungana na familia ya mwandishi mwandamizi wa habari, Mohab Dominic...
Read more