WAZIRI MKUU MAJALIWA AAHIRISHA BUNGE NA KUSEMA BILIONI 346 KUTUMIKA KUIMARISHA USALAMA WA MILKI ZA ARDHI -



WAZIRI MKUU Kassim Majaliwa amesema Serikali imesaini mkataba wa sh. bilioni 346 na Benki ya Dunia kwa ajili ya utekelezaji wa Mradi wa Uboreshaji Usalama wa Milki za Ardhi ambao unalenga kuimarisha usalama wa milki za ardhi na kuwezesha miundombinu ya usimamizi wa ardhi nchini.

Amesema mkataba huo uliosainiwa Februari, 2022 ni wa mradi ambao unatekelezwa kwa miaka mitano (2022/2023 - 2026/2027) katika Halmashauri 67 na Mikoa 26. Mradi huo una vipengele vinne ambavyo ni kuongeza usalama wa milki za ardhi kwa njia ya urasimishaji kwa kutoa Hatimiliki 1,000,000 katika maeneo ya mijini na Hatimiliki za Kimila 500,000; kuimarisha mifumo ya taarifa za ardhi; kujenga miundombinu ya ardhi; na usimamizi wa mradi.
 
Ametoa kauli hiyo leo mchana (Ijumaa, Juni 28, 2024) wakati akitoa hotuba ya kuahirisha mkutano wa 15 wa Bunge jijini Dodoma.  Bunge limeahirishwa hadi Agosti 27, mwaka huu.

Akielezea mradi huo, Waziri Mkuu amesema hadi kufikia Juni 15, mwaka huu, kazi zilizotekelezwa ni pamoja na urasimishaji wa vipande vya ardhi 62,200 katika Halmashauri mbalimbali; usimikaji wa alama za msingi za upimaji 327 katika Halmashauri 26; upimaji, uhakiki mipaka ya vijiji na uandaaji wa Vyeti vya Ardhi ya Vijiji 843 katika Halmashauri 21; uandaaji wa Hatimiliki za Kimila 381,509.

"Mradi umewezesha kununuliwa magari 18 ambayo yanatumika kwenye maeneo mbalimbali nchini na taratibu za ununuzi wa magari mengine 52 zinaendelea na yanatarajiwa kuwasili Septemba, 2024. Hatua hii itapunguza changamoto kubwa ya usafiri iliyopo katika sekta ya ardhi," amesema.

Waziri Mkuu amezitaka Mamlaka za Upangaji Miji chini ya Uratibu wa Wizara ya Ardhi, Nyumba na Maendeleo ya Makazi ziendeleze kasi ya utekelezaji wa Mradi wa Uboreshaji Usalama wa Milki za Ardhi kwa ufanisi ili fedha zilizopangwa kutumika kwenye mradi huo ziwe na tija.

Amezitaka pia, zipunguze migogoro kupitia uhakiki na upimaji wa mipaka ya vijiji; Maandalizi ya mipango ya matumizi ya ardhi ya vijiji; kuandaa Mipangokina ya vijiji na kuandaa Hati za Hakimiliki za Kimila; kurasimisha vipande vya ardhi; kubadilisha nyaraka za ardhi kutoka analojia kwenda kidijitali; na kusanifu na kusimika vituo vya kieletroniki vya upimaji. "Nitoe wito kwa wananchi, hususan wa maeneo ya vijijini kuchangamkia fursa ya uwepo wa mradi huo kwa kurasimisha maeneo yao."

Kuhusu malipo ya fidia ya ardhi kwenye maeneo yanayotwaliwa na Serikali kwa ajili ya uwekezaji, Waziri Mkuu amesema Serikali imeendelea kutwaa maeneo hayo kwa ajili ya miradi yenye manufaa ya umma ikiwemo ujenzi wa barabara, viwanja vya ndege na uchimbaji wa madini.

"Serikali inatambua kuwa kwa nyakati tofauti kumekuwepo na malalamiko ya wananchi kucheleweshewa malipo ya fidia katika baadhi ya maeneo. Katika kuhakikisha kuwa malalamiko haya yanatatuliwa, nazielekeza taasisi zote zihakikishe kuwa zinatenga fedha katika bajeti zao kwa ajili ya kulipa fidia kabla ya kuanza zoezi la utwaaji kama inavyoelekezwa katika Waraka wa Uthamini na Fidia Na. 1 wa mwaka 2024," amesisitiza.






Wabunge waktoka bungeni baada ya kuahiri
Baadhi ya wabunge wa Majimbo ya mkoa wa Morogoro wakiteta baada ya kuahirishwa bunge
Waziri Bashe, akifurahia jamnbo na Mbune Almas Maige
Wabunge Shigongo na Antpas wakifurahia jambo
Baadhi ya wabunge wa Majimbo ya mkoa wa Kilimanjaro wakiteta baada ya kuahirishwa bunge
Spika Dkt.Tulia akiteta na  Mshauri wa Rais  Mbunge William Lukuvi



 

Comments

Post a Comment

Popular posts from this blog

UNAMKUMBUKA AMINA CHIFUPA WA MPAKANJIAA.

Image
Leo ni Miaka Mitano ya Kumbukumbu ya Kifo cha Amina Chifupa Mpakanjia Ilikuwa June 26.2007 tulipompoteza Mh. Amina Chifupa Mpakanjia. Ikiwa pia ni siku ya upigaji vita matumizi ya madawa ya kulevya. Amina leo ametimiza Miaka Mitano sasa tangu alipotutoka na ataendelea kukumbukwa kwa ucheshi wake, mbwembwe zake katika utangazaji wake kupitia kipindi cha Chuchuchu, Kwa raha zetu, Bambataa na Leo tena katika Redio ya Clouds FM. Mpaka anakumbwa na mauti alikuwa Mbunge wa Viti Maalum kupitia Chama Cha Mapinduzi (CCM).Watanzania wataendelea kumuenzi na  atakumbukwa kwa vita yake dhidi ya wauzaji wa dawa ya kulevya. Wakati leo tukimkumbuka Bi. Amina Chifupa, serikali nayo inaadhimisha Siku ya Kupambana na Dawa za kulenya Nchini.                                            Pumzika kwa Amani Amina Chifupa! Chini ni picha za baadhi ya matukio mbalimbali ambayo Amina chifupa aliweza kushikiriki wakati wa Uhai wake. Picha Hizi zilipigwa enzi hizo Amina Chifupa alipenda mich
Read more

Je, wajua kwamba Australia ni bara, nchi na kisiwa?

Image
 Kangaroo hupatikana Australia pekee  Miamba Bahari ya Australia ni mikubwa kuliko yote Duniani na kivutio kwa watalii  Ramani ya Australia Robo tatu ya Waustralia wanaishi katika majiji makubwa na maeneo ya pwani. Fukwe pia ni sehemu za utambulisho wa Australia SAYARI tuishimo yaani dunia ina mabara saba, ambayo tukianzia kwa mtiririko wa bara kubwa hadi dogo ni Asia, Afrika, Amerika Kaskazini, Amerika Kusini, Ulaya, Antarctica na Australia Mbali ya mabara hayo ambayo Antartica ni pekee lisilokaliwa na watu kutokana na kufunikwa na barafu kwa asilimia 89, dunia ina nchi huru kati ya 180 na 195 huku ikiwa na mamia kwa maelfu ya visiwa. Katika makundi hayo matatu, Australia ni pekee duniani iliyobeba sifa zote tatu yaani bara, nchi na kisiwa, kwani nyingi zimeishia kuwa na sifa moja au mbili yaani nchi na au kisiwa. Australia ni bara dogo kuliko yote duniani, lakini pia kisiwa kikubwa kuliko vyote katika sayari hii. Mbali ya sifa hizo mbili pia ni
Read more

KADA MGEJA AHUDHURIA MAZIKO YA MAMA MZAZI WA MWANDISHI MWANDAMIZI WA HABARI KAHAMA

Image
Mwenyekiti wa Taasisi ya Mzalendo Foundation na aliyewahi kuwa Mwenyekiti wa CCM Mkoa wa Shinyanga, Hamis Mgeja (mwenye kibaghalashia), ameungana na familia ya mwandishi mwandamizi wa habari, Mohab Dominick, katika maziko ya mama yake mzazi, Tekra Limi, aliyefariki dunia akiwa na umri wa miaka 91. Maziko hayo yalifanyika katika makaburi ya Kanisa Katoliki Mbulu, katika Manispaa ya Kahama, mkoani Shinyanga. Viongozi mbalimbali wa chama na serikali walihudhuria tukio hilo, wakitoa heshima zao za mwisho kwa marehemu na pole kwa familia iliyoachwa. Akizungumza katika maziko hayo, Mgeja alitoa neno la faraja kwa familia ya Mohab Dominick, akiwatia moyo kuwa Bwana ametoa na Bwana ametwaa, jina lake lihimidiwe.Alisema kuwa ingawa ni kipindi kigumu, wanapaswa kuwa na imani na kumshukuru Mungu kwa kila jambo. Mwenyekiti wa Taasisi ya Mzalendo Foundation na aliyewahi kuwa Mwenyekiti wa CCM Mkoa wa Shinyanga, Hamis Mgeja,  \ameungana na familia ya mwandishi mwandamizi wa habari, Mohab Dominick, k
Read more