PROFESA MKENDA ATAKA WALIMU NCHINI KUSIMAMIA MALEZI YA WANAFUNZI

 

WAZIRI wa Elimu, Sayansi na Teknolojia Prof. Adolf Mkenda,akizungumza wakati akifungua Mkutano Mkuu wa 17 wa Umoja wa Wakuu wa Shule za Sekondari Tanzania (TAHOSSA) unaofanyika jijini Dodoma.
Naibu Katibu Mkuu, Ofisi ya Rais Tawala za Mikoa na Serikali za Mitaa (OR-TAMISEMI) anayeshughulikia Elimu Dkt. Charles Msonde,akizungumza wakati wa Mkutano Mkuu wa 17 wa Umoja wa Wakuu wa Shule za Sekondari Tanzania (TAHOSSA) unaofanyika jijini Dodoma.
Rais wa Umoja wa Wakuu wa Shule za Sekondari Tanzania (TAHOSA), Frank Mahenge,akisoma risala wakati wa Mkutano Mkuu wa 17 wa Umoja wa Wakuu wa Shule za Sekondari Tanzania (TAHOSSA) unaofanyika jijini Dodoma.
SEHEMU ya Washiriki wakifatilia hotuba ya Waziri wa Elimu, Sayansi na Teknolojia Prof. Adolf Mkenda,(hayupo pichani)  wakati akifungua Mkutano Mkuu wa 17 wa Umoja wa Wakuu wa Shule za Sekondari Tanzania (TAHOSSA) unaofanyika jijini Dodoma.
WAZIRI wa Elimu, Sayansi na Teknolojia Prof. Adolf Mkenda,akiagana na Walimu mara baada ya kufungua Mkutano Mkuu wa 17 wa Umoja wa Wakuu wa Shule za Sekondari Tanzania (TAHOSSA) unaofanyika jijini Dodoma.
@@@@@@@@@@@@@@@@@@@@@@@
WAZIRI wa Elimu, Sayansi na Teknolojia Prof. Adolf Mkenda, imewataka walimu wote nchini kuzungumza na wanafunzi kuhusu masuala ya malezi kwa kuwa wao hukaa muda mrefu na wanafunzi ili  kukuza kizazi chenye maadili bora.
Hayo yamesemwa leo Desemba 15,2022 jijini Dodoma Wakati akifungua Mkutano Mkuu wa 17 wa Umoja wa Wakuu wa Shule za Sekondari Tanzania (TAHOSSA),amesema kuwa walimu ni muhimu sana kwa maendeleo ya taifa hivyo watumie nafasi zao kuandaa kizazi chenye weledi.

Waziri Mkenda ametaka walimu kufuata muongozo wa malezi kwa kusimamia kikamilifu suala la maadili kwa Wanafunzi ili  kukuza kizazi chenye maadili bora kwa Maendeleo ya Taifa.

“Natoa onyo kali kwa walimu wachache wenye tabia mbaya zinazochafua sura ya walimu katika jamii, serikali itaendelea kuwashughulikia walimu wenye mwenendo mbaya na kuwachukulia hatua kauli za kisheria,”amesema Prof.Mkenda

Aidha amesema kuwa hataki kuona  wanafunzi wanalala kitanda kimoja na kama kuna changamoto ya vyoo pia pigeni simu kwa Mkurugenzi mueleze changamoto hizo lengo ni kuhakisha mazingira salama ya utoaji elimu na kuwalinda watoto.

Kuhusu kuvuja kwa mitihani,Waziri Mkenda amesema kuwa kuna baadhi ya  walimu  wamekuwa na tabia isiyofaa ya kushiriki katika kuvujisha na kusambaza mitihani kwa wanafunzi kwa maslahi yao binafsi  au kupandisha hadhi ya shule ionekane ina ufaulu mzuri.

“Niwaonye walimu wa namna hii kuacha tabia hii na badala yake wafanyekazi kwa weledi na ubunifu ili kuwasaidia wanafunzi kupata maarifa na kufaulu vizuri kwenye mitihani yao,”amesisitiza 

Hata hivyo amewataka Walimu kuangalia maudhui ya vitabu vinavyoingia shuleni ili visiharibu wanafunzi lakini pia kutumia Skauti na Viongozi wa dini katika kuendeleza malezi mazuri ya watoto shuleni.

Kwa upande wake Naibu Katibu Mkuu, Ofisi ya Rais Tawala za Mikoa na Serikali za Mitaa (OR-TAMISEMI) anayeshughulikia Elimu Dkt. Charles Msonde amewataka Wakuu wa Shule kufuatilia utendaji wa walimu shuleni ili kuondoa alama F kwenye masomo wanayofundisha.

Awali Rais wa Umoja wa Wakuu wa Shule za Sekondari Tanzania (TAHOSA), Frank Mahenge ameishukuru Serikali kwa namna inavyoshirikiana na Umoja huo na kuiomba pamoja na kazi nzuri wanayoifanya ya kuboresha mazingira ya utoaji wa elimu nchini.

Comments

Post a Comment

Popular posts from this blog

UNAMKUMBUKA AMINA CHIFUPA WA MPAKANJIAA.

Image
Leo ni Miaka Mitano ya Kumbukumbu ya Kifo cha Amina Chifupa Mpakanjia Ilikuwa June 26.2007 tulipompoteza Mh. Amina Chifupa Mpakanjia. Ikiwa pia ni siku ya upigaji vita matumizi ya madawa ya kulevya. Amina leo ametimiza Miaka Mitano sasa tangu alipotutoka na ataendelea kukumbukwa kwa ucheshi wake, mbwembwe zake katika utangazaji wake kupitia kipindi cha Chuchuchu, Kwa raha zetu, Bambataa na Leo tena katika Redio ya Clouds FM. Mpaka anakumbwa na mauti alikuwa Mbunge wa Viti Maalum kupitia Chama Cha Mapinduzi (CCM).Watanzania wataendelea kumuenzi na  atakumbukwa kwa vita yake dhidi ya wauzaji wa dawa ya kulevya. Wakati leo tukimkumbuka Bi. Amina Chifupa, serikali nayo inaadhimisha Siku ya Kupambana na Dawa za kulenya Nchini.                                          ...
Read more

Je, wajua kwamba Australia ni bara, nchi na kisiwa?

Image
 Kangaroo hupatikana Australia pekee  Miamba Bahari ya Australia ni mikubwa kuliko yote Duniani na kivutio kwa watalii  Ramani ya Australia Robo tatu ya Waustralia wanaishi katika majiji makubwa na maeneo ya pwani. Fukwe pia ni sehemu za utambulisho wa Australia SAYARI tuishimo yaani dunia ina mabara saba, ambayo tukianzia kwa mtiririko wa bara kubwa hadi dogo ni Asia, Afrika, Amerika Kaskazini, Amerika Kusini, Ulaya, Antarctica na Australia Mbali ya mabara hayo ambayo Antartica ni pekee lisilokaliwa na watu kutokana na kufunikwa na barafu kwa asilimia 89, dunia ina nchi huru kati ya 180 na 195 huku ikiwa na mamia kwa maelfu ya visiwa. Katika makundi hayo matatu, Australia ni pekee duniani iliyobeba sifa zote tatu yaani bara, nchi na kisiwa, kwani nyingi zimeishia kuwa na sifa moja au mbili yaani nchi na au kisiwa. Australia ni bara dogo kuliko yote duniani, lakini pia kisiwa kikubwa kuliko vyote katika sayari hii. Mbali ya sifa hiz...
Read more

KADA MGEJA AHUDHURIA MAZIKO YA MAMA MZAZI WA MWANDISHI MWANDAMIZI WA HABARI KAHAMA

Image
Mwenyekiti wa Taasisi ya Mzalendo Foundation na aliyewahi kuwa Mwenyekiti wa CCM Mkoa wa Shinyanga, Hamis Mgeja (mwenye kibaghalashia), ameungana na familia ya mwandishi mwandamizi wa habari, Mohab Dominick, katika maziko ya mama yake mzazi, Tekra Limi, aliyefariki dunia akiwa na umri wa miaka 91. Maziko hayo yalifanyika katika makaburi ya Kanisa Katoliki Mbulu, katika Manispaa ya Kahama, mkoani Shinyanga. Viongozi mbalimbali wa chama na serikali walihudhuria tukio hilo, wakitoa heshima zao za mwisho kwa marehemu na pole kwa familia iliyoachwa. Akizungumza katika maziko hayo, Mgeja alitoa neno la faraja kwa familia ya Mohab Dominick, akiwatia moyo kuwa Bwana ametoa na Bwana ametwaa, jina lake lihimidiwe.Alisema kuwa ingawa ni kipindi kigumu, wanapaswa kuwa na imani na kumshukuru Mungu kwa kila jambo. Mwenyekiti wa Taasisi ya Mzalendo Foundation na aliyewahi kuwa Mwenyekiti wa CCM Mkoa wa Shinyanga, Hamis Mgeja,  \ameungana na familia ya mwandishi mwandamizi wa habari, Mohab Dominic...
Read more